ۋكراينا پرەزيدەنتى ۆلاديمير زەلەنسكيي ۇلىبريتانيا پارلامەنتىنە بەينەبايلانىس ارقىلى ۇندەۋ جاسادى.
"Cپيكەر مىرزا، پرەمەر-مينيستر مىرزا، پارلامەنت دەپۋتاتتارى، لوردتار، حانىمدار مەن مىرزالار، مەن سىزدەرگە جانە بىرىككەن كورولدىكتىڭ بارلىق حالقىنا، بارلىق ۇلىبريتانيا حالقىنا، ۇلى تاريحى بار ۇلى حالىققا ۇندەۋ جولدايمىن.
مەن ۇلى ارمانى بار، ۇلى كۇش-جىگەرى بار تاعى ءبىر ۇلكەن ەلدىڭ ازاماتى رەتىندە جانە پرەزيدەنتى رەتىندە ۇندەۋ جولدايمىن.
مەن 13 كۇنگە جالعاسقان سوعىستى، ءبىز باستاماعان، ءبىز قالاماعان سوعىستى ايتقىم كەلەدى.
ءبىز وزىمىزدە بار نارسەنى جوعالتقىمىز كەلمەيدى، بىزدىكى بولعان نارسەلەردى جوعالتقىمىز كەلمەيدى.
ءبىزدىڭ قازىرگى ۋكراينا كەزىندەگى ناسيستەر شابۋىل جاساپ، سىزدەر قورعاۋعا تۋرا كەلگەن ۇلىبريتانيا سياقتى. سول كەزدە سىزدەرگە سوعىسۋعا تۋرا كەلىپ، ءوز ەلىڭىز ءۇشىن سوعىسقاندارىڭىز سياقتى.
ءقازىر ءبىز ءۇشىن سۇراق "بولۋ نەمەسە بولماۋ" (to be or not to be شەكسپيردىڭ ءسوزى). بۇل شەكسپيردىڭ سۇراعى ەكەنىن بىلەسىزدەر. 13 كۇن بويى بۇل سۇراقتى قويۋعا بولاتىن ەدى. ءبىراق ءقازىر مەن سىزگە ناقتى جاۋاپ بەرە الامىن: بۇل – مىندەتتى تۇردە ءيا، بولۋى كەرەك.
سىزدەردەن، وركەنيەتتى ەلدەردەن كومەك كۇتەمىز. ءبىز بۇل كومەك ءۇشىن العىس ايتامىز جانە مەن بوريسكە وتە ريزامىن.
(باسقىنشى) ەلگە قارسى سانكسيالاردىڭ قىسىمىن ارتتىرىپ، بۇل ەلدى تەرروريستىك مەملەكەت دەپ تانۋلارىڭىزدى جانە ۋكراينا اسپانىنىڭ ءقاۋىپسىز بولۋىن سۇرايمىز.
ۇلى ەلىڭىزدىڭ نە ىستەۋ كەرەك ەكەنىنە كەپىلدىك بەرىڭىزدەر.
ءبىز بەرىلمەيمىز، جەڭىلمەيمىز، سوڭىنا دەيىن بارامىز.
ۋكرايناعا جانە ۇلىبريتانياعا داڭق " دەدى ول بەينەۇندەۋدە.
ۋكراينا پرەزيدەنتى سونداي-اق "ءتىرى ءجۇرۋى مۇمكىن" 50 بالا تۋرالى ايتتى. "ءبىراق ورىس اسكەرلەرى ولاردى ءولتىردى" دەدى ول.
سونىمەن بىرگە ۋكراين قالالارى رەسەي قورشاۋىندا قالعاندىقتان شولدەن قايتىس بولعان ۋكرايندەر تۋرالى ايتتى.
زەلەنسكيي ۇلىبريتانيانىڭ سوعىس كەزىندەگى پرەمەر-مينيسترى ۋينستون چەرچيللدىڭ 1940 جىلعى ايگىلى سوزدەرىنىڭ بىرىنەن دە ءۇزىندى كەلتىردى.
چەرچيللدىڭ "ءبىز بەرىلمەيمىز، جەڭىلمەيمىز، سوڭىنا دەيىن بارامىز.
تەڭىزدە سوعىسامىز، اۋادا سوعىسامىز، جەرىمىزدى قورعايمىز.
ءبىز بارلىق جەردە سوعىسامىز ... جانە ءبىز بەرىلمەيمىز" دەگەن ءسوزىن تىلگە تيەك ەتتى.
ول سونداي-اق ءوز ۇندەۋىندە ۋيليام شەكسپيردەن سيتاتا كەلتىردى.
زەلەنسكيي ۋكراينانىڭ اسپانىندا ۇشۋعا تىيىم سالۋ تۋرالى بۇرىنعى ۇندەۋىن قايتالاپ: "بىزدە ءالى دە اسپان اشىق، اسپانىمىز رەسەي زىمىران ۇشاقتارى مەن تىكۇشاقتارى ءۇشىن ءالى دە اشىق" دەدى.
ۇلىبريتانيا پرەمەر-مينيسترى بوريس دجونسون ۋكراينا ليدەرى "بارلىق جۇرتتىڭ جۇرەگىن ەلجىرەتكەنىن" ايتتى جانە رەسەي پرەزيدەنتى ۆلاديمير پۋتينگە "سانكسيالاردى كۇشەيتۋدى" جالعاستىرۋعا ۋادە بەردى.
ۇلىبريتانيانىڭ ەڭبەك پارتياسىنىڭ كوشباسشى سەر كەير ستارمەر دە ۋكراينا پرەزيدەنتى مەن ونىڭ حالقىنىڭ "باتىلدىعى جانە بەكەمدىگىن" جوعارى باعالاپ: "ول (زەلەنسكيي) ءوزىنىڭ كۇشىن كورسەتتى جانە ءبىز وعان جانە ۋكراين حالقىنا ءبىزدىڭ مىندەتتەمە مەن قولداۋىمىزدى كورسەتۋىمىز كەرەك" دەدى.
