رەسەيلىك وليگارح رومان ابراموۆيچكە تيەسىلى جالپى قۇنى 1 ميلليارد دوللاردان اساتىن ەكى سۋپەرياحتا شىعىسقا قاراي بەت العان. رەسەي ۋكرايناعا باسىپ كىرگەننەن كەيىن ابراموۆيچ سياقتى سانكسياعا ۇشىراعان رەسەيلىك وليگارحتار وزدەرىنىڭ اكتيۆتەرىن قورعاۋ ماقساتىندا ياحتالارى مەن جەكە ۇشاقتارىن بۇكىل الەم بويىنشا جىلجىتۋعا تىرىسۋدا.
"Solaris" پەن "Eclipse" سۋپەرياحتالارىنىڭ قاي جەردە ءجۇزىپ جۇرگەنى بەلگىسىز دەپ حابارلادى "Business Insider".
بەيسەنبى كۇنى ۇلىبريتانيا سانكسيالارىنىڭ ءبىر بولىگى رەتىندە ءابراموۆيچتىڭ اكتيۆتەرىنە تىيىم سالىنعان.
ۇلىبريتانيا ۇكىمەتى ابراموۆيچكە سالىنعان سانكسيالاردىڭ ىشىندە ونىڭ اكتيۆتەرىن بۇعاتتاۋ، ياعني ياحتالارى مەن جەكە ۇشاقتارى تاركىلەنۋ ىقتيمالدىعى بار ەكەنىن ايتقان.
"MarineTraffic" كەمە باقىلايتىن سايتىنىڭ مالىمەتىنشە، ءابراموۆيچتىڭ 460 فۋتتىق "Solaris" كەمەسى جۇما كۇنى يتاليانىڭ شىعىس جاعالاۋىندا بولعان.
ياحتا سەيسەنبىدە بارسەلوناداعى (يسپانيا) كەمە جاساۋ زاۋىتىنان شىعىپ كەتكەن. "ول جەردە كەمە 2021 جىلدىڭ سوڭىنان باستاپ جوندەۋ جۇمىستارى ءۇشىن ايالداعان" دەپ حابارلادى Reuters.
"SuperYacht Fan"-نىڭ مالىمەتى بويىنشا "Solaris"ء-تىڭ باعاسى 600 ميلليون دوللاردى قۇرايدى.
"MarineTraffic" دەرەكتەرى كورسەتكەندەي، ءابراموۆيچتىڭ 533 فۋتتىق "Eclipse" ياحتاسى 21 اقپاننان بەرى كاريب تەڭىزىندەگى سەنت-مارتين ارالىنان شىعىسقا قاراي ءجۇزىپ بارادى.
"SuperYacht Fan" مالىمەتى بويىنشا قۇنى 700 ميلليون دوللار تۇراتىن كەمە جۇما كۇنى افريكانىڭ باتىس جاعالاۋىنا جاقىن جەردە بولعان، دەپ حابارلادى "MarineTraffic".
ۆەب-سايتتا Eclipse" ءۇشىن تاعايىندالعان پورت جوق، سوندىقتان سۋپەرياحتا قاي جەردە توقتايتىنى بەلگىسىز.
"Bloomberg" اقپاراتى بويىنشا، ءابراموۆيچتىڭ بايلىعى 13،7 ميلليارد دوللارعا باعالانعان. ول "چەلسي" فۋتبول كلۋبىنىڭ يەسى.
ول وتكەن اپتادا كلۋبتى ساتاتىنىن مالىمدەدى، ءبىراق ۇلىبريتانيانىڭ سانكسيالارى ونىڭ ساتىلىمدى جالعاستىرا المايتىنىن بىلدىرەدى.
پىكىر قالدىرۋ