تىركەلمەگەن دەموكراتيالىق پارتيانىڭ جاقتاستارى الماتى قالاسى پوليسيا دەپارتامەنتى عيماراتىنىڭ الدىندا بەلسەندى، "دەمپارتيا" جەتەكشىسى جانبولات مامايدى بوستاندىققا شىعارۋدى تالاپ ەتىپ، اشتىق جاريالادى.

بەلسەندىنىڭ ايەلى، جۋرناليست، قۇقىققورعاۋشى ينگا يمانبايدىڭ ايتۋىنشا، جانبولات مامايدى 2 ايعا قاماۋعا الۋ بويىنشا سانكسيالىق سوت شەشىمى شىقپاعان، الايدا پروكۋرور بەلسەندىنى 2 ايعا قاماۋدى سۇراپ وتىر.

جانبولاتتىڭ جاقتاستارى تەرگەۋ سوتىنىڭ شەشىمىن كۇتپەستەن بەلسەندىنى بوساپ تۋدى تالاپ ەتىپ، اشتىق جاريالايتىنىن ءمالىم ەتتى.

سوزدەرىنشە، جانبولات مامايدى بوساتپايىنشا، پوليسيا دەپارتامەنتى عيماراتىنان كەتپەيدى.

بۇعان دەيىن قاڭتار وقيعاسى قۇرباندارىن ەسكە الۋ ميتينگىنە قاتىسقانى ءۇشىن بەيبىت جيىن وتكىزۋ ءتارتىبىن بۇزدى دەگەن ايىپپەن 15 تاۋلىككە قامالعان جانبولات ماماي اكىمشىلىك جازا مەرزىمى اياقتالار شاقتا 2 ايعا قامالۋى مۇمكىن ەكەنى حابارلانعان. جانبولات ماماي ۇستىنەن "پوليسيانى قورلادى، جالعان مالىمەت تاراتتى" دەگەن ايىپتار بويىنشا قىلمىستىق ءىس قوزعالعانىن ءمالىم ەتكەن.

وپپوزيسيالىق جۋرناليست ەرمۇرات باپي جانبولات مامايدىڭ ۇستىنەن قىلمىستىق ءىس قوزعالۋىنىڭ ساياسي استارى بار دەپ سانايدى. سوزىنشە، مۇنىڭ ارتىندا دەموكراتيالىق پارتيا دەگەن اتاۋمەن ساياسي پارتيا قۇرعىسى كەلىپ جۇرگەن بەلسەندىنىڭ ارەكەتىن توقتاتۋ ويى تۇر.