گارۆارد ۋنيۆەرسيتەتى فەربانك زەرتتەۋ ورتالىعىنىڭ زەرتتەۋشىسى، تاريحشى، كارتوگراف، پروفەسسور نۇرلان كەنجەاحمەت "ۇلىتاۋدا وعىز حان ۋنيۆەرسيتەتىن نەمەسە مۇراجايىن اشۋ – تاريحي جاڭعىرۋ بولادى" دەپ ەسەپتەيدى. بۇل تۋرالى تاريحشى ءوز Facebook پاراقشاسىندا جاريالادى.
"ءابىلعازى باحادۇر حاننىڭ (1603-1664) دەرەگى بويىنشا، ۇلىتاۋدىڭ كونە اتى ورتاع، ول وعىزحاننىڭ اتا-مەكەنى؛ كىشىتاۋدىڭ كونە اتى قۇرتاع. ورتاع تاۋى راشيد اد-دين (1247-1318) مەن الا اد-دين اتا ماليك يبن مۋحاممەد دجۋۆەينيدە (1226 — 1283) دە كەزىگەدى. سوندىقتان قازاق ەلى ءۇشىن وعىزدار دا، قىپشاقتار دا قازاقتاردىڭ تىكە اتا-باباسى بولىپ سانالادى. ۇلىتاۋدا وعىز حان ۋنيۆەرسيتەتىن نەمەسە مۇراجايىن اشۋ تاريحي جاڭعىرۋ بولىپ تابىلادى. بۇدان كوپ نارسەگە يە بولامىز. وعىز حان جوشى حانعا جالعاسادى. ۇلىتاۋ ۇلۇع-تاع دەگەن اتپەن تاياۋ زامانعى كارتالاردا ءجيى كەزىگەدى. جەتىسۋ دا تاريحي اتاۋ. اباي وبىلىسى دا كەرەمەت قويىلعان" دەپ جازدى الەمدىك جەتەكشى ءبىلىم ورداسىنداعى قازاق زەرتتەۋشىسى.
پىكىر قالدىرۋ