"رەسەي پرەزيدەنتى ۆلاديمير پۋتين ۋكرايناعا شابۋىل جاساپ، كييەۆتى تەز ارادا جەڭۋ تۋرالى ويىنان قايتقان سياقتى" دەپ حابارلادى BBC.

باسىلىم پۋتين مۇنى رەسەي تاريحىنداعى شەشۋشى ءسات دەپ سانايتىنى انىق ەكەنىن جازادى.

BBC اقپاراتىنا سايكەس، رەسەي پرەزيدەنتىنىڭ باستاپقى ماقساتى ۋكراينانى باسىپ الۋ جانە ونىڭ ۇكىمەتىن قۇلاتۋ بولعان. ول كييەۆتىڭ ناتو-عا قوسىلۋعا دەگەن ۇمتىلىسىنا تۇبەگەيلى توسقاۋىل قويۋدى كوزدەگەن.

پۋتين ورىس حالقىنا ماقساتىن "ۋكراينانى دەميليتاريزاسيالاۋ جانە دە-ناسيفيكاسيالاۋ" دەپ تۇسىندىرگەن. ول سونىمەن قاتار قاتار، ءوز ماقساتى سەگىز جىل بويى ۋكراينا ۇكىمەتىنىڭ قورقىتۋى مەن گەنوسيدىنە ۇشىراعان ورىستاردى قورعاۋ ەكەنىن ايتقان. "ۋكراينا جەرىن باسىپ الۋ ءبىزدىڭ جوسپارىمىز ەمەس. ءبىزدىڭ ەشكىمگە كۇش كورسەتۋ نيەتىمىز جوق" دەگەن ول.

رەسەي كۇشتەرىنىڭ ۋكرايناعا باسىپ كىرۋى سالدارىنان ونداعان ەلدى مەكەندەر مەن قالالار قيرادى، اسكەريلەرمەن قوسا، بەيبىت تۇرعىندار قازا تاپتى، ميلليونداعان ادام بوسقىنعا اينالدى. رەسەي وككۋپاسياسىنا قارسى ۋكرايندار بىرىگىپ، قاتتى قارسىلىق تانىتىپ جاتىر.

بومبىلاۋ جالعاسۋدا، ءبىراق بىتىمگەرشىلىك كەلىسسوزدەرىنىڭ سوڭعى مالىمەتتەرى رەسەي ەندى ۋكراين ۇكىمەتىن قۇلاتۋدى ماقسات تۇتپايتىنىن، ونىڭ ورنىنا بەيتاراپ ۋكراينانى كوزدەپ وتىرعانىن كورسەتەدى.