الماتىدا «جاڭا قازاقستان. كۇشىمىز بىرلىكتە» جاستار فەستيۆالى ءوتتى. جاس قازاقستاندىقتار مەملەكەت باسشىسىنىڭ حالىققا جولداۋىندا جاريالانعان ساياسي رەفورمالار باعدارلاماسىن قولدادى.

«الماتى ارەنا» الاڭىندا وتكەن ءىس-شاراعا جۇزدەگەن جاستار قوزعالىسىنىڭ بەلسەندىلەرى – ونەر قايراتكەرلەرى، سپورتشىلار، قوعامدىق ۇيىمدار وكىلدەرى، جاس كاسىپكەرلەر مەن ستۋدەنتتەر قاتىستى.

فەستيۆال-كونسەرتتىڭ باستاماشىلارى مەن دەمەۋشىلەرى بيزنەسمەن، مەسەنات سىرىمبەك تاۋ جانە ونىڭ جولداستارى بولدى.

«جاڭا قازاقستان» جاستار قوزعالىسىن شىعارماشىل جاستار وكىلى وڭداسىن قۇلىمبەت، G-38 ستۋدەنتتەر قوزعالىسىنىڭ نەگىزىن قالاۋشى ايسۇلۋ ەرنيازوۆا، كاسىبي بوكسشى جانقوش تۇراروۆ جانە باسقا دا بەلسەندى جاستار وكىلدەرى قولدادى.

قازاقستان پرەزيدەنتى قاسىم-جومارت توقايەۆ ءوزىنىڭ «جاڭا قازاقستان: جاڭارۋ مەن جاڭعىرۋ جولى» جولداۋىندا: «ءبىز ادامداردىڭ ەنەرگياسىنا، تالانتى مەن ەڭبەكقورلىعىنا ارقا سۇيەيمىز. ءاربىر ازاماتتىڭ ءوزىن-وزى جۇزەگە اسىرۋى ءۇشىن بارىنشا قولايلى جاعداي جاسايمىز. تەك وسىلاي عانا ءبىز حالقىمىزدىڭ جاسامپازدىق الەۋەتىن ارتتىرا الامىز» دەپ اتاپ ءوتتى.

جاستار فەستيۆالىنىڭ قاتىسۋشىسى-حالىقارالىق ءبىلىم بەرۋ كورپوراسياسىنىڭ ءبىرىنشى پرورەكتورى قايىرجان مەڭدىعالييەۆ پرەزيدەنتتىڭ باستامالارىن قولدايدى. ول «جاڭا قازاقستان» قوزعالىسى جىگەرلى جانە ساپالى جۇمىس ىستەۋگە ۇمتىلاتىن جاستارعا كومەكتەسە الادى دەپ سانايدى.

«مەن ءىس-شاراعا ستۋدەنتتەرمەن بىرگە «جاڭا قازاقستان» باستاماسىن قولداۋعا كەلدىم. بۇگىن ءبىز ءبارىمىز پرەزيدەنتىمىز قاسىم-جومارت كەمەل ۇلى توقايەۆتىڭ توڭىرەگىنە بىرىكتىك. ونىڭ يدەيالارى، رەفورمالارى، جولداۋى اينالاسىندا. قىمباتتى دوستار، بۇگىندە ءبىزدىڭ پرەزيدەنتىمىز ايتقانداي – «ءبىزدىڭ كۇشىمىز – بىرلىكتە» وسى كۇردەلى كەزەڭدە ەلىمىزدىڭ تاۋەلسىزدىگى مەن بىرلىگى سياقتى قۇندىلىقتار ءبىرىنشى ورىنعا شىعادى»، – دەپ اتاپ ءوتتى قايىرجان مەڭدىعالييەۆ.

قازاقستان-بريتان تەحنيكالىق ۋنيۆەرسيتەتىنىڭ پرورەكتورى ەكاتەرينا سمولياكوۆا: "ءبىز ۇلى جەتىستىكتەردىڭ الدىندا تۇرمىز. بولاشاعىمىز بۇگىن باستالادى. قازىرگى جاستار ءبىلىم مەن يننوۆاسياعا، ناقتى ماقساتتارعا ۇمتىلادى. مەن جاڭا قازاقستاندى قۇرا الاتىنىمىزعا سەنىمدىمىن. 16 ناۋرىزدا قازاقستان حالقىنا جولداۋىندا پرەزيدەنت: «مەن ازاماتتارىمىزدىڭ ەرتەڭ ەمەس، بۇگىن باقىتتى ءومىر سۇرگەنىن قالايمىن»، – دەدى. سوندىقتان ءبىزدىڭ جارقىن بولاشاعىمىز بۇگىننەن باستالادى. جاڭا قازاقستان – بۇل ءبىز!» دەپ اتاپ ءوتتى.

ءانشى باعلان ءابدىرايىموۆ پروگرەسسيۆتىلىكتى، ءوزىن مەن الەمدى وزگەرتۋگە دايىندىقتى سوزبەن ەمەس، ىسپەن دالەلدەۋگە شاقىردى.

«جاستار ءوز ۋاقىتتارىن دۇرىس پايدالانىپ، ونى يگى ىستەرگە جۇمساۋلارى ءتيىس. ەل مەن ۇلتتىڭ بولاشاعى جاستارعا تىكەلەي بايلانىستى. بىزگە ءبىلىمدى جانە قازاقستاندىقتاردىڭ پاتريوت ۇرپاعى، جاڭا قازاقستاننىڭ دامۋ درايۆەرى بولۋ قاجەت. ءوز سوزدەرىنىڭ بىرىندە پرەزيدەنت قاسىم-جومارت توقايەۆ جاستاردىڭ قوزعاۋشى كۇش ەكەنىن، زور الەۋەتىن اتاپ ءوتتى. ءبىز بۇل مەجەنى كوتەرۋىمىز كەرەك!»، – دەدى تانىمال ورىنداۋشى.

ەسكە سالساق، 16 ناۋرىزدا قوعام جانە بيزنەس وكىلدەرى «جاڭا قازاقستان» قوعامدىق جاستار قوزعالىسىن قۇرۋ تۋرالى جاريالادى. بۇل ۇيىم، قوزعالىس باستاماشىلارىنىڭ ايتۋىنشا، تەك الماتىدا عانا ەمەس، وڭىرلەردەگى جوو ستۋدەنتتەرىمەن جۇمىس ىستەيتىن بولادى. وسى قوزعالىستىڭ قۇرمەتىنە وراي وڭتۇستىك استانانىڭ جاستارىن بىرىكتىرگەن «جاڭا قازاقستان. كۇشىمىز بىرلىكتە» فەستيۆالى ءوتتى.

الماتى قالاسى اكىمىنىڭ باسپا ءسوز قىزمەتى