كييەۆ وبلىسىنداعى كالينوۆكا اۋىلدىق ەلدىمەكەنى رەسەيدىڭ كييەۆكە باسقىنشىلىعى كەزىندە تانك وعى مەن زىمىران استىندا قالىپ، قيراندىعا اينالعان ۋكراينالىق دەريەۆنيالاردىڭ ءبىرى.

گالينا شيبكا مەن كۇيەۋى نيكولاي پەتروۆيچتىڭ ءۇيى شابۋىل كەزىندە امان قالعان. الايدا تەرەزەلەرى شاعىلعان. ۇڭىرەيگەن تەرەزەلەرىن سەلوفانمەن، فانەر اعاشتارمەن قاپتاپ، قىمتاپ الەك. كەزەكتى سوققىعا وسىلاي دايىندالىپ جاتىر.

ءومىر مەن ءولىم اراسىندا جۇرسە دە، 50 جىلدان بەرى تۇرىپ كەلە جاتقان "جەرىمىزدەن ەشقايدا كەتپەيمىز، وسى جەردە ولەمىز" دەيدى. "ءبىز ەشكىمگە جاماندىق جاسامادىق" دەگەن ولار قۇدايعا كۇندە جالبارىنادى. جۇرەكتەرىن ءزىل باتپان اۋىرلىق باسقان. كۇن سۋىق، تۇراتىن جەر جوق. تاعى دا سوققى بولا ما، جوق پا ول جاعىن ەشكىم بىلمەيدى. 

رەسەي تاراپى ۋكرايناداعى "ارنايى وپەراسيا" كەزىندە بەيبىت تۇرعىنداردىڭ ءومىرىن ساقتاۋ ءۇشىن ءبارىن ىستەپ جاتقانىن، سوققى اسقان دالدىكپەن تەك اسكەري نىساندارعا عانا جاسالىپ جاتقانىن ايتادى.

بۇۇ سوعىستىڭ سوزىلا تۇسۋىنە بايلانىستى الداعى ءۇش ايدا ۋكراينا حالقىنىڭ ۇشتەن بىرىنە كەدەيشىلىك ءقاۋپى ءتونۋى مۇمكىن ەكەنىن مالىمدەپ وتىر.

دەرەككوز: ءۆۆس-دىڭ ورىس قىزمەتى