رەسەيدىڭ ۋكرايناعا باسقىنشىلىعىنا 1 اي تولعاندا ناتو، G7 جانە ەو ەلدەرى بەلگيا استاناسى بريۋسسەلدە باس قوسادى.

ۆۆس رەسەي باسقىنشىلىعى ناتو اليانسىنىڭ الدىنا جاڭا ماقساتتار قويعانىن حابارلايدى. ەو رەسەيمەن ەنەرگەتيكالىق بايلانىستارىن ۇزۋگە تىرىسىپ جاتقاندىقتان، وعان باسقا قارىم-قاتىناستارىن، اسىرەسە اش-پەن اراسىن رەتتەپ الۋ كەرەك. 

ۋكراينا پرەزيدەنتى ۆلاديمير زەلەنسكيي ناتو مەن ەس ەلدەرى باسشىلارىمەن باينەبايلانىس ارقىلى سويلەسەدى.

30 پرەزيدەنت پەن پرەمەر-مينيستر ۋكرايناعا قولداۋدى كۇشەيتۋگە كەلىسەدى دەپ كۇتىلۋدە. كوپشىلىگى ۋكرايناعا قارۋ بەرۋگە ءازىر. ازىرەسە، ۇلىبريتانيا قورعانىس سالاسىنداعى كومەگىن ارتتىرۋعا دايىن ەكەنىن جەتكىزدى.

الايدا اسكەري اليانس سوعىسقا تىكەلەي ارالاسپايتىنىن انىق ۇقتىرىپ وتىر. سونداي-اق زەلەنسكييدىڭ ۋكراينا اۋەسىندە ۇشۋعا تىيىم سالىنعان ايماق قۇرۋ تۋرالى ءوتىنىشى دە ەسكەرىلمەدى.

ۆۆس سونىمەن قاتار ۋكرايناداعى قاقتىعىس كەزىندە رەسەي باتىستىق اسكەري كەرۋەنگە شابۋىل جاساسا، حيميالىق نەمەسە تاكتيكالىق يادرولىق قارۋ قولدانسا، ناتو-نىڭ قانداي ارەكەتكە باراتىنى انىق ەمەس دەيدى.