ۇلىبريتانيانىڭ قورعانىس ءمينيسترى جانە باتىس بارلاۋ قىزمەتى كييەۆ ماڭىنداعى "رۋحى السىرەگەن" رەسەيلىك اسكەر قورشاۋعا الىنۋى مۇمكىن ەكەنىن ءمالىم ەتتى. بۇل تۋرالى BBC حابارلادى.
اقش شەنەۋنىگىنىڭ ايتۋىنشا، ۋكراينا كۇشتەرى ايىرىلعان جەرلەردى قايتارىپ الۋ ءۇشىن سوعىسىپ جاتىر.
ۋكراينا كۇشتەرى كييەۆتىڭ باتىسىنداعى ماكاريۆ قالاسىن قايتارىپ العانىن حابارلادى.
سونىمەن بىردەي ۋاقىتتا كييەۆتىڭ سولتۇستىگى مەن باتىسىندا ۋكرايندەردىڭ قارسى شابۋىلى ىلگەرىلەۋدە.
ەۋروپالىق كوشباسشىلار بۇگىن كەشكە G7، ناتو جانە ەۋرووداق سامميتتەرى ءۇشىن باس قوسادى.
اقش پرەزيدەنتى دجو بايدەن ولارعا قوسىلىپ، رەسەيگە قارسى ءبىرقاتار جاڭا سانكسيالاردى جاريالايدى دەپ كۇتىلۋدە.
ناتو باسشىلارى سامميتتە شىعىس ەۋروپاداعى اليانس كۇشتەرىن كوبەيتۋدى دە ماقۇلدايدى دەگەن اقپارات بار.
ۋكراينانىڭ وڭتۇستىگىندەگى ماريۋپول قالاسىن اتقىلاۋ جالعاسۋدا، سونىڭ سالدارىنان 100 مىڭعا جۋىق ادام تاماقسىز، سۋسىز جانە قۋاتسىز قالعان.
ۋكراينانىڭ كييەۆ، چەرنيگوۆ، حاركوۆ سياقتى باسقا قالالار دا بومبالانۋدا.
پىكىر قالدىرۋ