ۇقك-نىڭ بۇرىنعى ءتوراعاسى كارىم ءماسىموۆتى قاماۋ مەرزىمى 6 ساۋىرگە دەيىن ۇزارتىلعان.
ءماسىموۆتىڭ تەرگەۋ كەزىندە انىقتالعان مۇلكى بۇعاتتالادى. ونى مەملەكەت مەنشىگى ءۇشىن تاركىلەۋ تۋرالى شەشىمدى سوت شىعارادى.
ۇقك ينفورمبيۋرو سايتىنىڭ رەسمي ساۋالىنا ۆەدومتسۆونىڭ ەكس-توراعاسىنا قاتىستى تەرگەۋ قىلمىستىق كودەكستىڭ تومەندەگىدەي 5 بابى بويىنشا ءجۇرىپ جاتقانىن ءمالىم ەتكەن.
♦ قك 336-بابى 4-بولىگى – "پارا الۋ"
♦ قك 362-بابى 4-بولىگى 3-تارماعى – "بيلiكتi نەمەسە لاۋازىمدىق وكiلەتتiكتەردى اسىرا پايدالانۋ"
♦ قك 175-بابى 1-بولىگى – "مەملەكەتكە وپاسىزدىق جاساۋ"
♦ قك 179-بابى 3-بولىگى – "بيلىكتى باسىپ الۋدى نەمەسە ۇستاپ تۇرۋدى ناسيحاتتاۋ نەمەسە وعان جاريا تۇردە شاقىرۋ، سول سياقتى بيلىكتى باسىپ الۋ نەمەسە ۇستاپ تۇرۋ نە قازاقستان رەسپۋبليكاسىنىڭ كونستيتۋسيالىق قۇرىلىسىن كۇشتەپ وزگەرتۋ"
♦ قك 218-بابى 3-بولىگى 3-تارماعى – "قىلمىستىق جولمەن الىنعان اقشانى جانە (نەمەسە)وزگە مۇلىكتى زاڭداستىرۋ (جىلىستاتۋ)"
پىكىر قالدىرۋ