نۇر-سۇلتان قالاسىندا باس ءمۇفتي ناۋرىزباي قاجى تاعان ۇلىنىڭ توراعالىعىمەن قازاقستان مۇسىلماندارى ءدىني باسقارماسىنىڭ ءتورالقا ءماجىلىسى ءوتتى، دەپ حابارلادى باسقارمانىڭ باسپا ءسوز قىزمەتى – muftyat.kz سايتى.

ءتورالقا ماجىلىسىندە نايب ءمۇفتي، شاريعات جانە ءپاتۋا ءبولىمىنىڭ مەڭگەرۋشىسى سانسىزباي قۇربان ۇلى بيىل قاسيەتتى رامازان ايى 2 ساۋىردەن باستالاتىنىن، وزبەكستان، قىرعىزستان مۇسىلماندارى ءدىني باسقارماسىمەن كەڭەسىپ، وسىنداي ورتاق شەشىم قابىلدانعانىن اتاپ ءوتتى.

سونىمەن بيىل رامازان ايى 2 ساۋىردە باستالىپ، 1 مامىردا اياقتالادى. ورازا 30 كۇن بولماق. 2 مامىر – ورازا ايت كۇنى. 27 ساۋىردەن 28 ساۋىرگە قاراعان ءتۇن – ءقادىر ءتۇنى.

بيىل ءپىتىر مولشەرى 500 تەڭگە بولىپ بەلگىلەندى. ءپىتىر ساداقانىڭ مولشەرى ەل بويىنشا 2 كەلى ۇننىڭ ورتاشا باعاسىمەن ەسەپتەلگەن.