رەسەي ءوزىنىڭ اسكەري شىعىنى تۋرالى مالىمەتتى جاريالادى. بۇل – مالىمەتتەردىڭ ەكىنشى رەت جاريالانۋى.
"(رەسەي كۇشتەرىنەن) 1351 سارباز قازا تاۋىپ، 3825ء-ى جارالاندى" دەپ حابارلادى ريا نوۆوستي اقپارات اگەنتتىگى.
ۋكراينانىڭ اسكەري دەرەككوزدەرى بۇعان دەيىن 15 000-عا جۋىق رەسەيلىك سارباز قازا تاپقانىن ەسەپتەگەن، ءبىراق بۇعان قازا تاپقاندارمەن قاتار جارالانعاندار دا كىرۋى مۇمكىن. اقش بارلاۋى ونىڭ جارتىسى ولگەن بولۋى مۇمكىن دەپ بولجايدى.
رەسەي قورعانىس مينيسترلىگى قازا بولعاندار تۋرالى العاشقى مالىمەتتى 2 ناۋرىزدا جاريالاپ، شابۋىل كەزىندە 498 اسكەري قىزمەتكەر قازا تاپقانىن حابارلاعان.
ءبىر قىزىعى، 21 ناۋرىزدا كرەملشىل "كومسومولسكايا پراۆدا" (كپ) گازەتى قورعانىس مينيسترلىگىنە سىلتەمە جاساپ، قاقتىعىس كەزىندە 9861 رەسەيلىك اسكەري قىزمەتكەر قازا تاپقانى تۋرالى ماقالا جاريالاعان.
كەيىنىرەك بۇل ماقالانىڭ ءبىر بولىگى جوعالىپ كەتتى. كپ رەداكتورى BBC-گە "بۇل اقپارات حاكەرلىك شابۋىل ناتيجەسى" دەدى.
پىكىر قالدىرۋ