"اقپان ايىندا ماماي قاڭتاردا جانارماي باعاسىنىڭ وسۋىنە قارسى دەمونستراسياعا شىعىپ، قازاقستاندىق كۇشتىك قۇرىلىمداردىڭ قولىنان قازا تاپقان دەمونسترانتتاردى ەسكە الۋ ماقساتىندا رۇقسات ەتىلمەگەن ميتينگتى ۇيىمداستىرعانى ءۇشىن 15 تاۋلىككە قامالعان. 12 ناۋرىزدا بوستاندىقا شىعۋى كەرەك بولعان ماماي ونىڭ ورنىنا جاڭا قىلمىستىق ايىپ بويىنشا 14 ناۋرىزدا سوت شەشىمىمەن ەكى ايعا قاماۋعا الىندى. ول قۇقىققورعاۋ ورگانى قىزمەتكەرىن قورلادى، "جالعان اقپارات" تاراتتى دەپ ايىپتالىپ وتىر. ەگەر سوتتالاتىن بولسا، ءۇش جىلعا باس بوستاندىعىنان ايرىلۋ ءقاۋپى ءتونىپ تۇر" دەگەن ۇيىم وكىلى سۆەتلانا ۆوروبيەۆا بۇل ايىپتاۋلارعا قازاقستان بيلىگى ءوزىن سىناۋشىلاردىڭ ءۇنىن ءوشىرۋ ءۇشىن ءجيى جۇگىنەتىن زاڭدار نەگىز بولىپ وتىرعانىن ايتادى.
"بيلىك وكىلىن قورلادى" دەگەن ايىپ بويىنشا مامايدىڭ ۇستىنەن قوزعالعان العاشقى ءىس 2021 جىلعى قىركۇيەكتە وتكەن رۇقسات ەتىلمەگەن ميتينگتەگى وقيعالارعا سۇيەنەدى. ول جەردە ماماي پوليسەيلەر ونى جەرگە قۇلاتىپ، ەكىنشى بەلسەندىنى ۇستاعاندا "ساتقىن" دەپ اتايدى دەلىنگەن. قازاقستان بەيبىت جيىنداردى قاتتى شەكتەيدى، ال بەيبىت جيىندار تۋرالى زاڭ حالىقارالىق ستاندارتتاردان ايتارلىق ارتتا قالعان. ەكىنشى ءىس ماماي قارجى نارىعىن رەتتەۋ جانە دامىتۋ اگەنتتىگى وكىلدەرىمەن كەزدەسۋى تۋرالى الەۋمەتتىك جەلىدەگى ترانسلياسيالارىندا "جالعان اقپارات" تاراتتى دەگەن ايىپ بويىنشا قوزعالعان. اگەنتتىك 2021 جىلعى جەلتوقساندا ماماي "ءوزىنىڭ ساياسي ماقساتتارى" ءۇشىن "كرەديتتىك امنيستيا" تۋرالى جالعان اقپارات تاراتتى دەپ مالىمدەدى. ونىڭ اۋزىن جابۋ ويىمەن قازاقستان بيلىگى ادەتتە باسقاشا ويدى تۇرشىقتىرۋ ءۇشىن قولداناتىن زاڭدى پايدالاندى. وسى ايدا قازاقستان پرەزيدەنتى قاسىم-جومارت توقايەۆ "جاڭا قازاقستان" قۇرۋعا، ساياسي پارتيالاردى تىركەۋ پروسەدۋراسىن ليبەراليزاسيالاۋعا ۋادە بەرگەن. ەگەر قازاقستاندا شىنىمەن دە اشىق ساياسي جۇيە جاسالاتىن بولسا، ول مامايدىڭ قۇقىعىن قۇرمەتتەۋدەن باستالۋعا ءتيىس. بيلىك وعان قارسى قولدان ۇيىمداستىرىلعان ايىپتى الىپ تاستاپ، ونى بوساتۋى كەرەك" دەلىنگەن Human Rights Watch حابارلاماسىندا.
پىكىر قالدىرۋ