"اقپان ايىندا ماماي قاڭتاردا جانارماي باعاسىنىڭ وسۋىنە قارسى دەمونستراسياعا شىعىپ، قازاقستاندىق كۇشتىك قۇرىلىمداردىڭ قولىنان قازا تاپقان دەمونسترانتتاردى ەسكە الۋ ماقساتىندا رۇقسات ەتىلمەگەن ميتينگتى ۇيىمداستىرعانى ءۇشىن 15 تاۋلىككە قامالعان. 12 ناۋرىزدا بوستاندىقا شىعۋى كەرەك بولعان ماماي ونىڭ ورنىنا جاڭا قىلمىستىق ايىپ بويىنشا 14 ناۋرىزدا سوت شەشىمىمەن ەكى ايعا قاماۋعا الىندى. ول قۇقىققورعاۋ ورگانى قىزمەتكەرىن قورلادى، "جالعان اقپارات" تاراتتى دەپ ايىپتالىپ وتىر. ەگەر سوتتالاتىن بولسا، ءۇش جىلعا باس بوستاندىعىنان ايرىلۋ ءقاۋپى ءتونىپ تۇر" دەگەن ۇيىم وكىلى سۆەتلانا ۆوروبيەۆا بۇل ايىپتاۋلارعا قازاقستان بيلىگى ءوزىن سىناۋشىلاردىڭ ءۇنىن ءوشىرۋ ءۇشىن ءجيى جۇگىنەتىن زاڭدار نەگىز بولىپ وتىرعانىن ايتقان.
قۇقىققورعاۋ سالاسىنداعى بەدەلدى حالىقارالىق Amnesty International ۇيىمى قازاقستان پرەزيدەنتى ق.توقايەۆتى تىركەلمەگەن وپپوزيسيالىق "دەموكراتيالىق پارتيا" جەتەكشىسى جانبولات مامايدى بوستاندىققا شىعارىپ، وعان تاعىلعان ايىپتى الىپ تاستاۋعا شاقىردى.
"قۇرمەتتى پرەزيدەنت مىرزا، سىزدەن جانبولات مامايدى دەرەۋ بوستاندىققا شىعارىپ، وعان تاعىلعان بارلىق ايىپتى الىپ تاستاۋعا جەتكىلىكتى بولارلىقتاي شارا قابىلداۋدى سۇرايمىن. مەنى 14 ناۋرىز كۇنى مامايدى ونىڭ سىني ويلارى مەن تىركەلمەگەن وپپوزيسيالىق پارتياعا جەتەكشىلىك ەتكەنى ءۇشىن ساياسي استارى بار جازا رەتىندە قاماعانى، ۇستىنەن قىلمىستىق ءىس قوزعاعانى الاڭداتادى. جانبولات مامايدى دەرەۋ بوساتۋدى، ونى ءوزىنىڭ ويىن ەركىن جەتكىزۋ، ەركىن جيىن وتكىزۋ قۇقىعىنا بايلانىستى نەگىزسىز قۋدالاۋدى توقتاتۋعا شاقىرامىن" دەلىنگەن ۇيىمنىڭ پرەزيدەنت توقايەۆقا باعىتتالعان ۇندەۋىندە.
بۇعان دەيىن ادام قۇقىعى جونىندەگى تاعى ءبىر حالىقارالىق Human Rights Watch ۇيىمى جانبولات مامايدىڭ ەكى قىلمىستىق ءىس بويىنشا قاماۋدا وتىرعانىنا بايلانىستى قازاقستان بيلىگىن وزدەرىنىڭ مالىمدەمەلەرىنە قارسى ارەكەت ەتىپ وتىر دەپ سىناعان.
پىكىر قالدىرۋ