قورعانىس مينيسترلىگى ارقالىق قالاسىندا رەسەيلىك اسكەري تەحنيكالار ءجۇر دەگەن اقپاراتقا بايلانىستى پىكىر ءبىلدىردى.
"الەۋمەتتىك جەلىلەردە تارالعان بەينەجازبادا ىزدەستىرۋ-قۇتقارۋ كوماندالارىن قامتاماسىز ەتۋ بولىمشەسى لەگىنىڭ بايقوڭىردان رەسەي فەدەراسياسىنداعى تۇراقتى ورنالاسۋ پۋنكتتەرىنە كەتۋى كورسەتىلگەن. بۇل بولىمشە قازاقستانعا بيىلعى جىلدىڭ 14 ناۋرىزىندا قوستاناي وبلىسىندا قونعان عارىشكەرلەر كاپسۋلاسىن ىزدەستىرۋ ءۇشىن كەلدى. بۇدان بۇرىن بايقوڭىر عارىش ايلاعىنان "سويۋز مس-21" عارىش كەمەسى ۇشىرىلىپ، سونداي-اق "سويۋز مس-19" كەمەسى قونعانى حابارلانعان بولاتىن" دەلىنگەن اقپاراتتىق حابارلامادا.
بۇعان دەيىن "باسە" youtube ارناسىنىڭ اۆتورى ايدوس سادىقوۆ "ارقالىقتا رەسەي اسكەرى ءجۇر، بيلىك ەلىمىزدى رەسەيگە ساتقان، توقايەۆ ءتۇسىندىرسىن، بايقوڭىردان قايتىپ كەلە جاتقان اسكەر دەپ ەسكى اۋەندەرىن ايتپاسىن" دەگەن مازمۇندا ۆيدەوۇندەۋ جولداعان.
پىكىر قالدىرۋ