پرەزيدەنت ق.توقايەۆ قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعانۇلىن قابىلدادى. بۇل تۋرالى اقوردا سايتى حابارلادى.
كەزدەسۋدە پرەزيدەنت قازاقستان مۇسىلماندارىن قاسيەتتى رامازان ايىنىڭ باستالۋىمەن قۇتتىقتاعان.
"قاسىم-جومارت توقايەۆقا قازاقستان مۇسىلماندارى ءدىني باسقارماسىنىڭ اتقارىپ جاتقان جۇمىستارى مەن الداعى جوسپارى تۋرالى باياندالدى. ناۋرىزباي قاجى تاعان ۇلىنىڭ ايتۋىنشا، ءمۇفتيات وسى جىلدى «يسلام – ىنتىماق پەن بىرلىك ءدىنى» دەپ جاريالاعان. وسىعان بايلانىستى ەلىمىزدە جىل بويىنا اتالعان تاقىرىپتا فورۋمدار وتكىزىلەدى. سونىمەن قاتار ءدىن مەن ءداستۇردى ساباقتاستىرا وتىرىپ، جاس قىز-كەلىنشەكتەردى يماندىلىققا باۋليتىن «اجەلەر مەكتەبىنىڭ» اشىلعانى جايلى ايتىلدى" دەلىنگەن اقوردا حابارلاماسىندا.
كەزدەسۋ بارىسىندا قازاقستان مۇسىلماندارى ءدىني باسقارماسىنىڭ ورازا ايىندا ۇيىمداستىراتىن شارالارى تۋرالى مالىمەت بەرىلىپ، ناۋرىزباي قاجى الداعى ۋاقىتتا تۇركىتىلدەس ەلدەردىڭ باس مۇفتيلەرىنىڭ القاسى قۇرىلاتىنىن جەتكىزگەن.
پىكىر قالدىرۋ