«AMANAT» پارتياسىنىڭ اتقارۋشى حاتشىسى اسحات ورالوۆ تۇركىستان وبلىسىندا تۇرعىندارىمەن، اۋىلدىق وكرۋگ اكىمدەرىمەن، پارتيا اكتيۆىمەن، مادەنيەت قايراتكەرلەرىمەن جانە جاستارمەن ءبىرقاتار كەزدەسۋلەر وتكىزىپ، مەملەكەت باسشىسىنىڭ جولداۋىن ىسكە اسىرۋ جانە «جاڭا قازاقستاندى» قۇرۋ مىندەتتەرىنە سايكەس پارتيانى جاڭعىرتۋ ماسەلەلەرىن تالقىلادى.

ساۋران اۋدانىنىڭ ورتالىعى شورناق اۋىلىندا «AMANAT» پارتياسىنىڭ اتقارۋشى حاتشىسى تۇركىستان وبلىسىنداعى ءبىرقاتار اۋىلدىق وكرۋگتەردىڭ، ونىڭ ىشىندە مايدانتال، ءۇشقايىق، جىبەك جولى، جاڭا يقان جانە ت.ب. اۋىلداردىڭ جاڭادان سايلانعان اكىمدەرىمەن كەزدەسۋ وتكىزدى.

«مەملەكەت باسشىسى قاسىم-جومارت توقايەۆتىڭ باستاماسىمەن بىلتىر تۇڭعىش رەت اۋىل اكىمدەرىن تىكەلەي سايلاۋ جۇيەسى ەنگىزىلگەن بولاتىن. بۇگىندە سايلاۋ ناۋقانى ەلىمىز بويىنشا ۇزدىكسىز ۇدەرىسكە اينالدى. وسىعان دەيىن تۇركىستان وبلىسىندا 72 اۋىلدىق وكرۋگتە سايلاۋ وتسە، سونىڭ ىشىندە سايلانعان اكىمدەردىڭ 86%-ى – «AMANAT» پارتياسىنىڭ كانديداتتارى. بۇل – پارتياعا ارتىلىپ وتىرعان ۇلكەن سەنىم. تيىسىنشە، بىزگە سايلاۋالدى ۋادەلەردى ساپالى ورىنداۋ بويىنشا ۇلكەن جاۋاپكەرشىلىك جۇكتەلىپ وتىر»، - دەپ اتاپ ءوتتى اسحات ورالوۆ.

ءوز كەزەگىندە، شورناق اۋىلىنىڭ تۇرعىندارى وسىنداعى ب.مايلين جانە ق.دوسمەتوۆ كوشەلەرىندەگى جولدىڭ ساپاسىنا شاعىمداندى. جەرگىلىكتى اكىمدىكتىڭ مالىمەتىنشە، اتالعان كوشەلەردى جوندەۋ ءۇشىن بيۋدجەتتەن قاراجات بولۋگە ءوتىنىم جولدانعان. تۇرعىنداردىڭ شاعىمىن ەسكەرە وتىرىپ، اتقارۋشى حاتشى ءماسليحاتتاعى فراكسياعا الداعى سەسسيادا قاراجات ءبولۋ ماسەلەسىن قاراپ، جوندەۋ جۇمىستارىن بيىل اياقتاۋدى تاپسىردى.

بۇدان كەيىن اسحات ورلوۆ ءوڭىردىڭ مادەنيەت قايراتكەرلەرىمەن كەزدەسىپ، رۋحاني قۇندىلىقتاردى، ۇلتتىق مادەنيەت پەن ونەردى ساقتاۋ ماسەلەلەرىن تالقىلادى. كەزدەسۋ پارتيانىڭ سايلاۋالدى باعدارلاماسى اياسىندا سالىنعان تۇركىستانداعى «Farab» كىتاپحاناسىندا ءوتتى.

اتقارۋشى حاتشى پارتيانىڭ شىعارماشىلىق جانە ونەر وكىلدەرىنە، جاس اقىندار مەن جازۋشىلارعا، سونداي-اق كينويندۋستريا وكىلدەرىنە، ايتىستار، كونكۋرستار، فەستيۆالدەر وتكىزۋ جانە باسقا دا جوبالاردى ىسكە اسىرۋ ارقىلى قولداۋ كورسەتەتىنىن اتاپ ءوتتى.

«پارتيا قايتا جاڭعىرىپ، جاڭا يدەيالارى بار كوپتەگەن جاستاردىڭ كەلىپ جاتقانى قۇپتارلىق جاعداي. ءوز تاراپىمنان، اۋىل جاستارىن قولداۋعا ەرەكشە نازار اۋدارۋ قاجەت دەپ ەسەپتەيمىن. اۋىل كلۋبتارىن جاڭعىرتىپ، ونداعى كىتاپحانالاردى جاڭا كىتاپ قورىمەن بايىتىپ، ءتۇرلى ۇيىرمەلەر اشۋ كەرەك. سوندا اۋىل جاستارى بوس ۋاقىتىن تەككە وتكىزبەي، اۋىلداعى تالانتتاردىڭ كوپتەپ تانىلۋىنا جول اشار ەدى»، - دەپ ءوز پىكىرىمەن ءبولىستى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى بەكجىگىت سەردالى.

وسى كۇنى اسحات ورالوۆ تۇركىستان وبلىسىنىڭ پارتيا اكتيۆىمەن دە كەزدەسىپ، «AMANAT» مودەرنيزاسياسىنىڭ باسىمدىقتارىن تالقىلادى.

بۇگىنگى تاڭدا وڭىردە بارلىق دەڭگەيدەگى ءماسليحاتتاردا 320 دەپۋتات بولسا، ولاردىڭ 82%-ى – «AMANAT» پارتياسىنىڭ مۇشەلەرى. جىل باسىنان بەرى تۇركىستان وبلىسى بويىنشا پارتيانىڭ قوعامدىق قابىلداۋ بولمەلەرىنە 4،3 مىڭنان استام ءوتىنىش كەلىپ تۇسكەن. تۇرعىندار كوبىنەسە الەۋمەتتىك كومەك، تۇرعىن ۇي-كوممۋنالدىق شارۋاشىلىق، جۇمىسقا ورنالاسۋ جانە دەنساۋلىق ساقتاۋ ماسەلەلەرى بويىنشا كەلەدى. ناۋرىز ايىنان باستاپ ءموبيلدى قوعامدىق قابىلداۋلار ەڭ شالعاي اۋىلدارعا بارۋدا.

وبلىستىق ءماسليحات دەپۋتاتى نۇرالى ابىشيەۆ وبلىستا وڭىرلىك سايلاۋالدى باعدارلاماعا ەنبەگەن ءتۇيىندى ماسەلەلەر بار ەكەنىن العا تارتىپ، ولاردى شەشۋ ءۇشىن پارتيا مۇشەلەرى جەرگىلىكتى اتقارۋشى ورگاندارمەن، ازاماتتىق سەكتورمەن، حالىقپەن بىرلەسىپ، ودان ءارى جوسپار ازىرلەۋى ءتيىس ەكەنىن ايتتى.

جاس بەلسەندىلەرمەن كەزدەسۋ بارىسىندا جەرگىلىكتى جەرلەردە جاستاردى تولعاندىراتىن نەگىزگى ماسەلەلەر تالقىلاندى. تۇركىستان وبلىسىندا بۇگىنگى تاڭدا «AMANAT» پارتياسىنان جاس دەپۋتاتتار كورپۋسىنا 35 جاسقا دەيىنگى 55 قازاقستاندىق كىرگەن.