24 اقپاننان بەرى قازاقستاننىڭ اۋماعىنا رەسەي فەدەراسياسىنىڭ 108 057 ازاماتى كەلىپ، 99 975 رەسەيلىك ەلدەن شىققان. بۇل تۋرالى ىشكى ىستەر مينيسترلىگىنىڭ باسپا ءسوز قىزمەتى قازاقپارات ساۋالىنا جولداعان جاۋابىندا ءمالىم ەتتى.
"بيىلعى 24 اقپاننان 2 ساۋىرگە دەيىن رەسەي فەدەراسياسىنىڭ 108057 ازاماتى ەلگە كەلىپ، 99975ء-ى كەتتى. سونىمەن قاتار، 2022 جىلدىڭ 3 ايىندا رف ازاماتتارى ءۇشىن - 10158 جسن گەنەراسيالاندى"- دەپ دەلىنگەن جاۋاپتا.
قۇزىرلى ورگاننىڭ اقپاراتىنا قاراعاندا، رەسەيلىكتەر قازاقستاننىڭ مەملەكەتتىك شەكاراسىن كەسىپ وتكەن ساتتەن باستاپ ۋاقىتشا تۇرۋعا رۇقسات الماي 90 تاۋلىككە دەيىن بولۋعا قۇقىلى. سوندىقتان قازاقستاننان كەتكەندەر تۋرالى دەرەك وزگەرۋى ابدەن مۇمكىن.
پىكىر قالدىرۋ