2022 جىلعى 24 اقپاننان بەرى قازاقستان بانكتەرىندە رەسەي مەن بەلورۋس ازاماتتارى 11 940 شوت اشقان. بۇل تۋرالى قارجى نارىعىن رەتتەۋ جانە دامىتۋ اگەنتتىگى حابارلادى.

اشىلعان شوتتاردىڭ ىشىندە 10 725 شوت ءوتىنىش بەرۋشىنىڭ نەمەسە سەنىم بىلدىرگەن ادام قازاقستان بانكىندە جەكە بولۋى ارقىلى، 1 215 شوت قاشىقتان اشىلعان. وسىلايشا، قازاقستان بانكتەرىندە شوتتارى بار رەسەي مەن بەلارۋس ازاماتتارىنىڭ جالپى سانى 162 مىڭعا جەتكەن.

"رەسەي فەدەراسياسىنىڭ رەزيدەنت – زاڭدى تۇلعالارىنىڭ جاڭا شوتتارىنىڭ سانى جىل باسىنان بەرى ازداپ وسكەن. اعىمداعى جىلعى اقپاننىڭ سوڭىنان بەرى بانك شوتتارى 7 رەسەي كومپانياسىنا اشىلعان، قازاقستان بانكتەرىندە شوتتارى بار رەسەي ۇيىمدارىنىڭ جالپى سانى 805-كە جەتتى.  قازىرگى ۋاقىتتا بارلىق شەتەلدىك ازاماتتار مەن كومپانيالار ءۇشىن بانك شوتتارىن اشۋ جانە جۇرگىزۋ ءتارتىبى قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى زاڭ (كجتقق) نورمالارىمەن، سونداي-اق ۇلتتىق بانك پەن اگەنتتىكتىڭ رەتتەۋشىلىك تالاپتارىمەن رەتتەلگەن. وسىلايشا، ۇلتتىق بانكتىڭ 2016 جىلعى 31 تامىزداعى №207 قاعيدالارىنىڭ تالاپتارىنا سايكەس شوتتى اشۋ وفلاين رەجيمدە دە، ەلەكتروندىق ءوتىنىش ارقىلى ونلاين دا جۇرگىزىلۋى مۇمكىن" دەلىنگەن اقپاراتتىق حابارلامادا،

اگەنتتىك بانكتەر شەتەلدىك، ونىڭ ىشىندە ترانسشەكارالىق سيپاتتاعى كليەنتتەردىڭ وپەراسيالارىنا كۇشەيتىلگەن مونيتورينگ جۇرگىزەتىنىن اتاپ وتكەنۇ