ناۋرىز ايىندا حالىق تۇتىناتىن تاۋارلار ساپاسىنا مونيتورينگ جاساۋ اياسىندا سولتۇستىك قازاقستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتى 38 ەت سىناماسىن ساتىپ العان
"زەرتتەۋ بارىسىندا سيىر ەتى ءونىمى بار كونسەرۆىنىڭ ەكى سىناماسى جانە شۇجىق ءونىمىنىڭ ءبىر سىناماسى تالاپقا سايكەس كەلمەيتىنى انىقتالدى: جك پاۆلوۆ ا.س. دايىنداعان جارتىلاي ىستالعان "مۇسىلمان" شۇجىعى (رەسەي، باشقۇرتستان رەسپۋبليكاسى)؛ "قورعان ەت كومبيناتى "ستاندارت" جشق وندىرگەن "بۇقتىرىلعان سيىر ەتى جوعارى سۇرىپتى" ستەريلدەنگەن كەسەك ەتتى كونسەرۆىلەر (رەسەي، قورعان قالاسى)؛ "ورەل ونىمدەرى" اق وندىرگەن "بۇقتىرىلعان سيىر ەتى جوعارى سۇرىپتى" ستەريلدەنگەن كەسەك ەتتى كونسەرۆىلەر (رەسەي، ورلوۆ وبلىسى).
سونداي-اق، "تۇسكى اسقا ارنالعان شوشقا ەتى" ستەريلدەنگەن تارتىلعان ەت كونسەرۆىلەردە (رەسەي، ماسكەۋ وبلىسى "سەلياتينو" ەت وڭدەۋ كومبيناتى) تاۋىق ەتىنىڭ دنق-سى انىقتالدى" دەلىنگەن حابارلامادا.
دوڭىز ەتىنىڭ دنق-سى دۇكەندەردە ساتىلاتىن رەسەيلىك كونسەرۆىلەر مەن "مۇسىلمان" جارتىلاي ىستالعان شۇجىقتارىنان تابىلعان.
زەرتتەۋ ناتيجەسىندە انىقتالعان قورىتىندىلارعا بايلانىستى جوعارىدا اتالعان ونىمدەر تالاپقا سايكەس كەلمەيتىن ونىمدەر تىزىلىمىنە ەنگىزىلگەن. ۇسو فيليالى ماماندارىنىڭ ايتۋىنشا، وندىرۋشىلەر تاماق ونىمدەرىن دۇرىس تاڭبالامايدى، سونىمەن قاتار ءونىم زاتتاڭبادا كورسەتىلگەن سيپاتتامالارعا سايكەس كەلمەيدى.
پىكىر قالدىرۋ