"قارا تەڭىزدى قورعايتىن نەپتۋن زىمىراندارى رەسەيدىڭ اسكەري كەمەسىنە وتە اۋىر زيان كەلتىردى" دەپ جازدى ۋكراينانىڭ ودەسسا گۋبەرناتورى ماكسيم مارچەنكو Telegram كانالىندا. شەنەۋنىك ۋكراين كۇشتەرى رەسەيدىڭ "موسكۆا" زىمىران كرەيسەرىن زىمىرانمەن اتقىلاعانىن ايتتى، ءبىراق ەشقانداي دالەل كەلتىرمەدى.
كوپ وتپەي رەسەي قارا تەڭىز فلوتىنىڭ ءىرى اسكەري كەمەسىنە ورتتەن ايتارلىقتاي زاقىم كەلگەنىن، ونىڭ ەكيپاجى ەۆاكۋاسيالانعانىن مالىمدەدى.
"ءورت سالدارىنان "موسكۆا" زىمىران كرەيسەرىندە وق-دارىلەر جارىلعان. كەمە قاتتى زاقىمدانعان" دەپ كەلتىرەدى رەسەي قورعانىس مينيسترلىگى.
تاسس مەملەكەتتىك اقپارات اگەنتتىگى ءورتتىڭ سەبەبى انىقتالىپ جاتقانىن، ەكيپاج ەۆاكۋاسيالانعانىن حابارلادى.
وتكەن ايدا ۋكراينا قارا تەڭىزدىڭ سولتۇستىك-شىعىسىنداعى كىشىگىرىم ازوۆ تەڭىزىندە رەسەيدىڭ ۇلكەن دەسانتتىق قولداۋ كەمەسى ورسكتى جويعانىن حابارلاعان. ماسكەۋ كەمەگە نە بولعانىن تۇسىندىرمەدى.
پىكىر قالدىرۋ