2019 جىلدان باستاپ 10 باستاماشىل توپ ساياسي پارتيانى تىركەۋگە قۇجاتتار تاپسىرعان. ولاردىڭ ۇشەۋى ءبىرىنشى كەزەڭنەن ءوتتى. بۇل تۋرالى "ەكىنشى رەسپۋبليكا. ق ر پرەزيدەنتىنىڭ وكىلەتتىلىگى قالاي وزگەرەدى" بريفينگى بارىسىندا ادىلەت ءمينيسترى قانات مۋسين ءمالىم ەتتى.

مينيستر بۇگىنگى تاڭدا ءتورت پارتيانىڭ قۇجاتتارى قارالىپ جاتقانىن جەتكىزدى.

– "حالىق دەربەستىگى" پارتياسى ەكىنشى كەزەڭنەن ءوتىپ، راستاۋ حابارلاماسىن الدى. ولار سەزىن وتكىزدى. زاڭ بويىنشا، قۇرىلتاي سەزىنەن كەيىن 20 000 كانديداتتىڭ ءتىزىمى ۇسىنىلۋى كەرەك. تىركەۋ مەرزىمى زاڭ بويىنشا توقتاتىلدى. پارتيا مۇشەلەرىنىڭ زاڭعا سايكەستىگى تەكسەرىلۋدە. ءۇش پارتيا بويىنشا – جۇمىس ءبىرىنشى كەزەڭ دەڭگەيىندە ءجۇرىپ جاتىر، ياعني پارتيا قۇرۋ نيەتى تۋرالى حابارلانعاننان كەيىن زاڭعا سايكەس باستاماشىل توپ مۇشەلەرى اراسىندا تەكسەرۋ جۇرگىزىلدى، ولاردىڭ سانى كەمىندە 1000 ادام بولۋى ءتيىس. ولاردىڭ اراسىندا جسن-نىڭ دۇرىس ەمەستىگى، تەگى، اتى، اكەسىنىڭ اتى سايكەس كەلمەگەن جاعدايلار انىقتالدى. اراسىندا قايتىس بولعان ازاماتتار، سونداي-اق باسقا پارتيالاردىڭ مۇشەلەرى بار ەكەنى بەلگىلەندى. زاڭ بويىنشا، قازاقستان ازاماتى ءبىر عانا ساياسي پارتيانىڭ مۇشەسى بولا الادى، تيىسىنشە، باسقا پارتيانى قۇرۋعا قاتىسا المايدى، – دەدى مينيستر.