ەكى ايعا جۋىق ۋاقىتتان بەرى ۋكرايناعا شابۋىلداپ جاتقان رەسەي كۇشتەرى ۋكراينانىڭ كوپتەگەن قالالارىن، سونىڭ ىشىندە باتىستاعى لۆوۆتى بومبالادى. بۇل تۋرالى ءال-جازيرا حابارلادى.
"لۆوۆتاعى اسكەري نىساندار مەن اۆتوكولىك شينالارىنا قىزمەت كورسەتۋ پۋنكتىنە جاسالعان بومبالاۋدان كەم دەگەندە التى ادام قازا تاپتى" دەپ مالىمدەدى لۆوۆ گۋبەرناتورى.
كييەۆتە دە جارىلىس بولعانى حابارلاندى. سولتۇستىكتەگى حاركوۆ قالاسى مەن وڭتۇستىگىندەگى ودەسسا پورتىنا جاقىن ورنالاسقان نيكولايەۆ قالاسى دا نىساناعا الىنعان.
قورشاۋدا قالعان ماريۋپول قالاسىنداعى ۋكراين اسكەرلەرى رەسەيدىڭ بەرىلىڭدەر دەگەنىنە كەلىسپەي، قارسىلىق تانىتۋىن جالعاستىرىپ جاتىر.
"رەسەي دۇيسەنبىدەن باستاپ قورشاۋدا قالعان ماريۋپول قالاسىنا ەشتەڭە كىرگىزبەۋدى جوسپارلاپ وتىر" دەپ حابارلاعان قالا بيلىگى.
پىكىر قالدىرۋ