الەۋمەتتىك جەلىلەردە اپاتقا ۇشىراعان رەسەيلىك "موسكۆا" اسكەري كەمەسىنىڭ فوتوسۋرەتتەرى تاراپ جاتىر.
"موسكۆا" تۋرالى نە بىلەمىز؟
510 ەكيپاجدان تۇراتىن "موسكۆا" رەسەيدىڭ ۋكرايناداعى اسكەري-تەڭىز ستراتەگياسىنىڭ ماڭىزدى بولىگى بولعان.
ول رەسەيدىڭ بەلسەندى فلوتىنداعى ءۇشىنشى ءىرى اسكەري كەمە. سوعىس كەمەلەرىنە جانە سۇڭگۋىر كەمەلەرگە قارسى قارۋ-جاراقپەن، سونداي-اق اۋىر قورعانىسپەن قارۋلانعان.
ۋكراينا "نەپتۋن" زىمىراندارى ارقىلى "موسكۆانى" سۋعا باتىردىق دەپ مالىمدەدى. بۇل جاڭالىق "ۋكرايندەر ءۇشىن ۇلكەن جەڭىس جانە سيمۆوليكالىق ماڭىزى بار" دەپ سانالدى.
ءبىراق رەسەي وقيعانىڭ باسقا نۇسقاسىن ايتادى. رەسەي بورتتاعى وق-دارىلەردىڭ جارىلۋى كەمەدەگى ورتكە سەبەپ بولعانىن جانە پورتقا بارا جاتقاندا سۋعا باتقانىن حابارلادى. ماسكەۋ سونىمەن بىرگە ەكيپاجدىڭ بارلىعى ءقاۋىپسىز ەۆاكۋاسيالانعانىن جەتكىزگەن. رەسەي سەنبىدە بەينەجازبا جاريالادى، وندا ەكيپاجدىڭ كەيبىر مۇشەلەرىنىڭ امان-ەسەن ەكەنى كورسەتىلگەن.
اقش شەنەۋنىكتەرى وقيعانىڭ ۋكراينالىق نۇسقاسىمەن كەلىسەدى.
ال "نوۆايا گازەتا Europe" گازەتىنىڭ حابارلاۋىنشا، اپاتتان قىرىققا جۋىق ماتروس قازا تاپقان بولۋى مۇمكىن، بىرنەشەۋى ءىز-تۇزسىز جوعالىپ، تاعى كوپتەگەن ادام جارالانعان بولۋى ىقتيمال.
بورتتا بولعان ماتروستاردىڭ ءبىرىنىڭ اناسى "نوۆايا گازەتا Europe" گازەتىنە بەرگەن سۇحباتتا ۇلى تەلەفون شالعانىن، كەمەگە ءۇش زىمىران تيگەنىن ايتقان.
"ول ماعان قوڭىراۋ شالدى جانە كورگەنىن ايتىپ، جىلاپ تۇردى. قورىققانىن جەتكىزدى" دەيدى ول. ماتروستىڭ اناسى بالاسىن قىزمەتى اياقتالعانشا كۇتۋ قورقىنىشتى ەكەنىن ايتادى.
پىكىر قالدىرۋ