ۋكرايناعا باسقىنشىلىق سوعىس جۇرگىزىپ جاتقان رەسەيدىڭ مەملەكەتتىك اقپارات قۇرالدارىنىڭ حابارلاۋىنشا، دۇيسەنبى كۇنى ورىس اسكەريلەرى ۋكراينادا بارلىعى 315 نىسانعا سوققى بەرىپ، بىرنەشە قالانى بومبالاعان.
"رەسەي قورعانىس مينيسترلىگى قىسقا قاشىقتىققا ۇشاتىن زىمىراندارىمەن ۋكرايناداعى ءتورت قارۋ-جاراق پەن اسكەري تەحنيكا قويماسىن ءبىر تۇندە جويعانىن مالىمدەدى" دەپ حابارلادى تاسس اقپارات اگەنتتىگى.
رەسەي قورعانىس مينيسترلىگىنىڭ باسپا ءسوز حاتشىسى يگور كوناشەنكوۆ "جوعارى دالدىكتەگى اۋەدەن ۇشىرىلاتىن زىمىراندار تۇندە ۋكراينانىڭ 16 اسكەري نىسانىن قيراتتى" دەدى.
ول رەسەيدىڭ اۋە شابۋىلىنا قارسى قورعانىس جۇيەلەرى ەكى ۋكرايندىق جويعىشتى اتىپ تۇسىرگەنىن ايتتى.
اقپاراتتا تاۋەلسىز تەكسەرۋ قيىن. رەسەي ءباسپاسوزى ۋكرايناداعى سوعىسقا بايلانىستى دەزينفورماسيا ءجيى تاراتادى.
پىكىر قالدىرۋ