ۇلتتىق قاۋىپسىزدىك كوميتەتى تىڭشىلىق، مەملەكەتكە وپاسىزدىق جاساۋ، مەملەكەتتىك قۇپيالاردى زاڭسىز جيناۋ جانە جاريا ەتۋ كۇدىگىمەن ادامدار توبىن، ونىڭ ىشىندە شەتەل مەملەكەتىنىڭ ازاماتىن ۇستاعانىن ءمالىم ەتتى.
"ق ر قك 175-بابى 1-بولىگى (مەملەكەتكە وپاسىزدىق جاساۋ)، 176-بابى (تىڭشىلىق) جانە 185-بابى 3-بولىگى (مەملەكەتتىك قۇپيالاردى زاڭسىز جيناۋ جانە جاريا ەتۋ) بويىنشا قىلمىستىق ىستەر قوزعالدى. تەرگەۋ سوتى وسى ادامدار توبىنا قاتىستى قاماۋدا ۇستاۋ تۇرىندەگى بۇلتارتپاۋ شاراسىن تاڭدادى" دەلىنگەن كوميتەتتىڭ باسپا ءسوز قىزمەتى تاراتقان حابارلامادا.
ۇقك اقپاراتىندا قىلمىستىق ىستەردىڭ "قۇپيا" بەلگىسى بار ەكەنى، وسىعان بايلانىستى تەرگەۋ مۇددەسى ءۇشىن وزگە اقپارات جاريا ەتىلمەيتىنى ايتىلادى.
پىكىر قالدىرۋ