كورولدىك ينستيتۋتتىڭ بىرىككەن قىزمەتىنە قاراستى قورعانىس جانە قاۋىپسىزدىك ساراپتاما ورتالىعىنىڭ وكىلى دجەك ۋوتلينگ كرەمل 9 مامىردا ماسكەۋدە وتەتىن اسكەري پارادقا وراي ۋكراينانىڭ دونباسس ايماعىن باسىپ الۋ جوسپارىن جۇزەگە اسىرۋى مۇمكىن، ءبىراق وعان تولىق سەنىم جوق ەكەنىن ءمالىم ەتتى. ساراپشىنىڭ سوزدەرىن ۆۆس كەلدىردى.

– بۇل (دونباسستى باسىپ الۋ - رەد) – مۇمكىن، ءبىراق سەنىمدى تۇردە ايتۋعا كەلمەيدى. ۋكرايندىق كۇشتەرگە كييەۆتى قورعاپ جاتقان كوپتەگەن بولىمشەلەرگە شىعىسقا شاقىرۋعا تۋرا كەلدى. ولاردىڭ كوبى شارشاعان، سوندىقتان ۇرىس وتە اۋىر بولادى. ۋكرايندىقتار بۇل باسقىنشىلىقتىڭ جولىن بوگەۋ ءۇشىن كوپ شىعىنعا ۇشىراۋ ءقاۋپىنىڭ الدىندا تۇر. ءبىر جاعىنان بۇل رەسەيلىكتەرگە بىر-ەكى ايعا كىدىرىپ، كۇشىن قالپىنا كەلتىرۋ الىنداعى سوڭعى سەرپىلىس بولۋى دا ىقتيمال، – دەيدى ساراپشىق.

ونىڭ ايتۋىنشا، 9 مامىر داتاسىنىڭ ماڭىزى وزگەرگەن.

– 9 مامىر جەڭىستى جاريالاۋ داتاسى بولۋدان قالدى، ەندى ولار داتانى جينالىپ، اناعۇرلىم اۋدىمدى ارەكەتتى جاريالاۋ ءۇشىن قولداناتىن بولىدى، – دەدى دوكتور دجەك ۋوتلينگ.

ۋكراينا باسشتابى رەسەي كۇشتەرى دونباسستى تولىق باقىلاۋىنا الۋعا بارىن سالىپ جاتقانىن مالىمدەگەن. ازىرگە باسقىنشىلار لۋگانسك وبلىسىنداعى كرەمەننايا جانە تاعى ءبىر شاعىن قالادان عانا وتە العانى حابارلاندى.