قاراعاندى وبلىسى مونوپولياعا قارسى دەپارتامەنتى قانتتىڭ كوتەرمە ساۋداداعى باعاسىن قولدان قىمباتتاتقانداردى انىقتادى.
اتالعان جايت 2021 جىلعى تامىز-جەلتوقسان جانە 2022 جىلعى قاڭتار-اقپان ايلارىندا قاراعاندى وبلىسىنىڭ شەكاراسىنداعى قانتتى كوتەرمە ساۋدادا وتكىزۋ نارىعىنداعى باسەكەلەس ورتانىڭ جاي-كۇيىنە تالداۋ جۇرگىزۋ بارىسىندا بەلگىلى بولعان.
تالداۋ قورىتىندىسى بويىنشا "سامادي-1"، "ادال-اسپان"، "Aron KZ" جانە "ەراي-2012" كومپانيالارى قانتتى كوتەرمە ساتۋ باعاسىن ءبىر ۋاقىتتا كوتەرىپ، ءبىر ۋاقىتتا تومەندەتەتىنى انىقتالعان.
"انىقتالعان باسەكەلەستىكتى قورعاۋ سالاسىندا بۇزۋشىلىق بەلگىلەرىنىڭ نەگىزىندە قاراعاندى وبلىسى بويىنشا مونوپولياعا قارسى دەپارتامەنتى "سامادي-1" ج ش س، "ادال-اسپان" ج ش س، "Aron KZ" ج ش س جانە "ەراي-2012" ج ش س اتىنا ولاردى جويۋ تۋرالى حابارلاما ەنگىزدى. حابارلامانى ورىنداۋ مەرزىمى ونى العان كۇننەن باستاپ كۇنتىزبەلىك وتىز كۇندى قۇرايدى" دەلىنگەن تاراتىلعان اقپاراتتا.
دەپارتامەنت مونوپولياعا قارسى ورگاننىڭ حابارلاماسىن ورىنداماۋ نەمەسە ونى تولىق كولەمدە ورىنداماۋ، بەلگىلەنگەن ورىنداۋ مەرزىمدەرىن بۇزۋ تەرگەپ-تەكسەرۋ تاعايىنداۋعا نەگىز بولاتىنىن ءمالىم ەتتى.
پىكىر قالدىرۋ