يتاليانىڭ قازاقستانداعى جاڭادان تاعايىندالعان توتەنشە جانە وكىلەتتى ەلشىسى ماركو البەرتيمەن كەزدەسۋ بارىسىندا ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى نىعايتۋ، سونداي-اق يننوۆاسيالار مەن جاڭا تەحنولوگيالار سالاسىنداعى  سەرىكتەستىك ماسەلەلەرى تالقىلاندى.

يتاليا قازاقستاننىڭ نەگىزگى ساۋدا سەرىكتەستەرىنىڭ تىزىمىنە كىرەدى، سونداي-اق رەسپۋبليكانىڭ ءىرى ينۆەستورلارىنىڭ ءبىرى بولىپ تابىلادى. بۇل رەتتە الماتىدا يتالياندىق كاپيتالدىڭ قاتىسۋىمەن 100-دەن استام كاسىپورىن بەلسەندى جۇمىس ىستەيدى، ال ەل بويىنشا ولاردىڭ جالپى سانى  280. تاراپتار سونداي-اق الماتىنىڭ يندۋستريالدى ايماعىندا تاماق ونىمدەرىن ءوندىرۋ بويىنشا يتاليانىڭ قاتىسۋىمەن فۋد-كلاستەر قۇرۋ پەرسپەكتيۆالارىن تالقىلادى.

كەزدەسۋ بارىسىندا بيىل ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىنا وراي ەلشىلىكتىڭ  ەكىجاقتى قارىم-قاتىناستاردى نىعايتۋ جانە جاڭا دەڭگەيگە كوتەرۋ ءۇشىن 30 باستاما دايىنداپ جاتقانى اتاپ ءوتىلدى. ماسەلەن، الماتىدا ورتالىق ازيا مەن كاۆكاز وڭىرىندە العاشقى يتالياندىق مادەني ورتالىقتىڭ اشىلۋى جانە قىركۇيەكتە مادەني كورمە وتكىزۋ جوسپارلانىپ وتىر. الماتىنىڭ ءبىرقاتار جوعارى وقۋ ورىندارىندا ستۋدەنتتەر يتاليان ءتىلىن ۇيرەنۋدە، قازاقستاندا العاش رەت يتاليان ءتىلىن وقىتۋ الماتى مەكتەپتەرىنىڭ بىرىندە باستالدى.

قالا باسشىسى مەن يتاليانىڭ قازاقستانداعى توتەنشە جانە وكىلەتتى ەلشىسى  اعىمداعى جىلدىڭ  ماۋسىمىنان  باستاپ الماتى – ميلان – الماتى باعىتى بويىنشا تىكەلەي اۋە قاتىناسىنىڭ ىسكە قوسىلۋى ەلدەر اراسىنداعى ساۋدا-ەكونوميكالىق جانە مادەني بايلانىستاردى نىعايتىپ، ءتۋريزمنىڭ دامۋىنا سەرپىن بەرەتىنىنە سەنىم ءبىلدىردى. ەلشى قالالار دەڭگەيىندەگى ديپلوماتيا حالىقتار اراسىنداعى بايلانىستاردى نىعايتۋعا وڭ اسەر بەرە الاتىنىن اتاپ ءوتتى.

ەلشى يتاليا تاراپىنىڭ الماتىدا كرەاتيۆتى يندۋستريالاردىڭ يننوۆاسيالىق ورتالىعىن قۇرۋدى قارجىلاندىرۋعا دايىن ەكەنىن مالىمدەدى. ماركو البەرتيدىڭ ايتۋىنشا، ول يتاليادان قازاقستانعا ينۆەستيسيالار اعىنىن ەداۋىر ۇلعايتۋدى ءوزىنىڭ مىندەتى دەپ سانايدى. ەربولات دوسايەۆ الماتى رەسپۋبليكاعا شەتەلدىك ينۆەستيسيالاردى تارتۋ ءۇشىن حاب بولا الاتىنىنا سەنىم ءبىلدىردى. سونداي-اق، تاراپتار الماتىنىڭ يندۋستريالىق ايماعىندا، ءبىرىنشى كەزەكتە تاماق ونىمدەرىن ءوندىرۋ بويىنشا بىرلەسكەن كاسىپورىندار قۇرۋ پەرسپەكتيۆالارىن   دا   تالقىلادى.

الماتى اكىمى سونداي-اق وسى جىلدىڭ اقپان ايىندا قىزمەتكە كىرىسكەن يندونەزيا ەلشىسى موحامماد فادجرۋل  راحمانمەن كەزدەسۋ وتكىزدى. كەلىسسوزدەر بارىسىندا تاراپتار الماتى ينفراقۇرىلىمىن دامىتۋ ماقساتىنداعى ينۆەستيسيالىق ىنتىماقتاستىقتىڭ پەرسپەكتيۆالارىن تالقىلادى.

حالىقارالىق تۋريستىك كورمەگە قاتىسۋ ءۇشىن الماتىعا كەلگەن  ەلشى  جىل سايىن 10 مىڭعا جۋىق قازاقستاندىق كەلەتىن الماتى مەن بالي اراسىندا باۋىرلاس  قارىم-قاتىناس ورناتۋدى ۇسىندى.

قازىرگى كەزدە قالادا يندونەزيالىق كاپيتالدىڭ قاتىسۋىمەن 2 كاسىپورىن جۇمىس ىستەيدى. ەكى ەل اراسىنداعى تاۋار اينالىمى 2021 جىلدىڭ قورىتىندىسى بويىنشا 13،5 ملن اقش دوللارىن قۇرادى، 2020 جىلداعى كورسەتكىشپەن سالىستىرعاندا 12،5%-عا ارتقان.

كەزدەسۋگە قاتىسۋشىلار ءوزارا ءتيىمدى ىنتىماقتاستىقتى ودان ءارى دامىتۋ ءۇشىن ايتارلىقتاي الەۋەت پەن پەرسپەكتيۆالىق باعىتتاردى اتاپ ءوتتى.