الماتى قالاسىنىڭ پروكۋراتۋراسى بۇگىن ۇستالعان كاسىپكەر، الماتى قالاسى ءماسليحاتىنىڭ دەپۋتاتى قايرات قۇدايبەرگەنگە قانداي ايىپ تاعىلىپ وتىرعانىن ءمالىم ەتتى.
"الدىن الا تەرگەۋمەن ق.ق. قۇدايبەرگەن ا.ب. جۇماگەلدييەۆپەن ("ديكيي ارمان" دەپ اتالاتىن) بىرگە "قازاقستان" قوناق ۇيىندە ادامدار جيناۋدى ۇيىمداستىرىپ، جۇماگەلدييەۆتىڭ اينالاسىنا بىرىگۋگە، ونى قولداۋعا جانە بيلىككە ءبىرىڭعاي تالاپتار ۇسىنۋعا شاقىرعانى، سونداي-اق ادامداردى 10 ادامنان "ۇياشىقتار" بويىنشا ءبولىپ جانە ولاردىڭ توپتارىنىڭ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەنى انىقتالدى.
سودان كەيىن قۇدايبەرگەن مەن جۇماگەلدييەۆ جيناعان توپ الاڭعا شىعىپ، جۇماگەلدييەۆ توڭىرەگىندەگى ميتينگىلەردى بىرىكتىرۋگە، الاڭدا جەدەل شتاب ۇيىمداستىرۋعا جانە بيلىك الدىندا ءبىرىڭعاي تالاپتار قويۋعا تىرىسقان.
قۇدايبەرگەن-جۇماگەلدييەۆ ۇيىمداستىرعان بۇل زاڭعا قارسى اكسيا زورلىق-زومبىلىق پەن ءتۇرلى اۋىرلىقتاعى دەنە جاراقاتتارىن كەلتىرۋمەن جاپپاي توبەلەسكە ۇلاستى" دەلىنگەن پروكۋراتۋرا حابارلاماسىندا.
قۇزىرلى ورگان قۇدايبەرگەننىڭ جاپپاي تارتىپسىزدىكتەردى ۇيىمداستىرۋى مەن قاتىسۋى "قازاقستان" قوناق ۇيىنەن، جۇماگەلدييەۆ توبىنىڭ ۇستالعان قاتىسۋشىلارىنىڭ ۇيالى تەلەفوندارىنان الىنعان بەينەجازبالار، كۋاگەرلەردىڭ ايعاقتارى ارقىلى راستالعانىن اتاپ ءوتتى.
پىكىر قالدىرۋ