– تۇڭعىش پرەزيدەنت مارتەبەسى ماسەلەسىنە كەلەتىن بولساق، كونستيتۋسيادا بۇل كونستيتۋسيامەن جانە كونستيتۋسيالىق زاڭدارمەن رەتتەلەدى دەپ جازىلعان. جۇمىس توبى بۇل مارتەبەنى كونستيتۋسيانىڭ وزىندە انىقتاۋ كەرەك، بۇل نورمانى ناقتىلايتىن زاڭدارعا ەمەس، كونستيتۋسيانىڭ وزىنە جۇگىنۋ كەرەك دەگەن قورىتىندىعا كەلدى. قازاقستان رەسپۋبليكاسىنىڭ تۇڭعىش پرەزيدەنتى – تاۋەلسىز قازاقستاننىڭ نەگىزىن قالاۋشى. ياعني، بۇل مارتەبە بەلگىلەندى. مەنىڭشە، بۇل وتە ماڭىزدى، ويتكەنى ونىڭ سىڭىرگەن ەڭبەگىن، وبەكتيۆتى فاكتىنى ءبارىمىز دە كوردىك، بۇكىل الەم كوردى، ول كونستيتۋسيادا بەكىتىلەدى، – دەدى ءابدىراسىلوۆ.

قازاقستاندا ەكس-پرەزيدەنت نۇرسۇلتان نازاربايەۆقا ايرىقشا مارتەبە بەرەتىن كونستيتۋسيالىق زاڭ ونسىز دا بار. 2000 جىلى قابىلدانعانن "قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى" زاڭ نۇرسۇلتان نازاربايەۆقا ايرىقشا قۇزىرەتتەر مەن كەپىلدىكتەر بەرەدى.

ماسەلەن، زاڭعا سايكەس ن.نازاربايەۆ ايرىقشا ەرەكشەلىك بەلگىسى - التىن جۇلدىز جانە "وتان" وردەنىنە، "حالىق قاھارمانى" (نارودنىي گەروي) اتاعىنا يە.

♦ قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ زاڭدى قىزمەتىنە كەدەرگى جاساۋعا، قازاقستان رەسپۋبليكاسى تۇڭعىش پرەزيدەنتىن - ەلباسىن كوپشىلىك الدىندا قورلاۋعا نەمەسە ونىڭ ابىرويى مەن قادىر-قاسيەتىنە وزگەدەي قول سۇعۋعا، سونداي-اق قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ بەينەسىن بۇلدىرۋگە جول بەرىلمەيدى جانە ونداي ارەكەتتەر زاڭمەن قۋدالانادى.

♦ قازاقستان رەسپۋبليكاسىنىڭ تۇڭعىش پرەزيدەنتىنە – ەلباسىنا ەشكىمنىڭ تيىسۋىنە بولمايدى. ول ءوزى قازاقستان رەسپۋبليكاسى پرەزيدەنتىنىڭ وكىلەتتىكتەرىن ورىنداۋ كەزەڭىندە جاساعان، ال بۇلار توقتاتىلعاننان كەيىن قازاقستان رەسپۋبليكاسىنىڭ تۇڭعىش پرەزيدەنتى – ەلباسى دەگەن ءوز مارتەبەسىن جۇزەگە اسىرۋعا بايلانىستى ارەكەتتەرى ءۇشىن جاۋاپتىلىققا تارتىلمايدى. ونى ۇستاپ الۋعا، قاماققا الۋعا جانە كۇزەتپەن ۇستاۋعا، تىنتۋگە، ودان جاۋاپ الۋعا نە جەكە باسىن جەتە تەكسەرۋگە بولمايدى.

تيىسپەۋشىلىك قازاقستان رەسپۋبليكاسىنىڭ تۇڭعىش پرەزيدەنتىنە – ەلباسىنا جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىمەن تيەسىلى بارلىق مۇلىككە، سونداي-اق ولار پايدالاناتىن تۇرعىن جانە قىزمەتتىك ءۇي-جايلارعا، قىزمەتتىك كولىككە، بايلانىس قۇرالدارىنا، جازىسقان حاتتارىنا، ولارعا تيەسىلى قۇجاتتارعا قولدانىلادى. تيىسپەۋشىلىك قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ قورىنا جانە ول قۇراتىن وزگە دە زاڭدى تۇلعالارعا تيەسىلى مۇلىككە دە قولدانىلادى.

♦ قازاقستان رەسپۋبليكاسىنىڭ تۇڭعىش پرەزيدەنتىنە – ەلباسىنا جانە ونىمەن بىرگە تۇراتىن وتباسى مۇشەلەرىنە جەكە مەنشىك قۇقىعىمەن تيەسىلى مۇلىككە، سونداي-اق ول قۇراتىن زاڭدى تۇلعالاردىڭ مۇلكىنە قانداي دا ءبىر شەكتەۋلەر قويىلمايدى.

قازاقستان رەسپۋبليكاسى تۇڭعىش پرەزيدەنتىنىڭ – ەلباسىنىڭ جانە ونىمەن بىرگە تۇراتىن وتباسى مۇشەلەرىنىڭ بانكتىك شوتتارىنىڭ بانكتىك قۇپيالىعىنا جانە ولارعا تيىسپەۋشىلىككە كەپىلدىك بەرىلەدى.

ەل ىشىندە سوڭعى ۋاقىتتا، اسىرەسە قاڭتار وقيعاسىنان كەيىن ن.نازاربايەۆتى وسى ايرىقشا ستاتۋستان ايىرۋ، "ق ر تۇڭعىش پرەزيدەنتى – ەلباسى" تۋرالى زاڭدى جويۋ تۋرالى ويلار ءجيى ايتىلىپ ءجۇر. ءتىپتى 18 قاڭتاردا اتالعان زاڭنىڭ كۇشىن جويۋ تۋرالى پەتيسيا ىسكە قوسىلىپ، 54 مىڭنان استام قول جينالعان.