باس پروكۋراتۋرانىڭ 1 قىزمەت باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاسيالار قىزمەتىندە وتكەن بريفينگتە قاڭتار وقيعالارىنا بايلانىستى قىلمىستىق ىستەردىڭ تەرگەلۋ بارىسى تۋرالى باياندادى.
ونىڭ ايتۋىنشا، ءاربىر وڭىردە تەرگەۋ توپتارىمەن تەرگەۋ ارەكەتتەرى جۇرگىزىلىپ، ولاردىڭ اياقتالۋىنا قاراي قىلمىستىق ىستەر سوتقا جولدانىپ جاتىر.
– بۇگىنگى تەرگەۋ ورگاندارىنىڭ ءىس جۇرگىزۋىندە اتالعان ساناتتا 5 041 قىلمىستىق ءىس بار. ولاردىڭ ىشىندە جاپپاي تارتىپسىزدىكتەر بويىنشا 49 ءىس، تەرروريزم اكتىلەرىمەن – 45. شىمكەنت قالاسىنىڭ پروكۋراتۋراسىمەن قيراتۋلار، مۇلىكتەردى جويۋ جانە اۆتوكولىكتەردى ورتەگەنى ءۇشىن، ياعني جاپپاي تارتىپسىزدىكتەرگە قاتىسقانى بويىنشا 8 كۇدىكتى سوتقا بەرىلدى. بەينەجازبادا جاپپاي تارتىپسىزدىكتەردىڭ كورىنىسى كورسەتىلگەن. قىزىلوردا وبلىسىندا وسى تەكتەس ايىپپەن 7 ادامعا قاتىستى ىستەر كىنانى مويىنداۋ تۋرالى پروسەستىك كەلىسىم جاساۋ ارقىلى سوتقا جىبەرىلدى، – دەدى ول.
ونىڭ ايتۋىنشا، مۇنداي ىستەر بويىنشا كۇدىكتى ايىپتاۋعا، دالەلدەمەلەرگە، كەلتىرىلگەن زالالمەن داۋلاسپاعان كەزدە جانە جازانىڭ ءتۇرى مەن مولشەرىمەن كەلىسكەن جاعدايدا ونىمەن كىنانى مويىنداۋ تۋرالى كەلىسىم جاسالادى. ءىس سوتتا 10 تاۋلىكتەن اسپايتىن مەرزىمدە قارالىپ، جازانىڭ مولشەرى وسى باپتىڭ سانكسياسىنداعى ەڭ جوعارى مەرزىمنىڭ جارتىسىنان اسپايدى.
پىكىر قالدىرۋ