ۋكراينا سىرتقى ىستەر ءمينيسترى دميتريي كۋلەبا رەسەي باتىستى ءۇشىنشى دۇنيەجۇزىلىك سوعىس قاۋپىمەن قورقىتۋعا تىرىسىپ وتىرعانىن ايتتى.
"رەسەي ۋكرايناداعى جەڭىلىسىن سەزىپ وتىر، سوندىقتان باتىستى ءۇشىنشى دۇنيەجۇزىلىك سوعىستىڭ باستالۋ ءقاۋپى تۋرالى ەسكەرتۋ ارقىلى كييەۆتى قولداۋدان قورقىتۋعا تىرىسىپ جاتىر" دەپ جازدى ول Twitter-دە.
ونىڭ سوزىنشە، رەسەي الەمدى ۋكرايناعا قولداۋ كورسەتۋدەن باس تارتقىزاتىن سوڭعى ءۇمىتىن جوعالتقان. وسىلايشا، ءۇشىنشى دۇنيەجۇزىلىك سوعىستىڭ "ناعىز" ءقاۋپى تۋرالى اڭگىمە ايتىپ جاتىر.
"ەۋروپالىق جانە جاھاندىق قاۋىپسىزدىكتى ساقتاۋ ءۇشىن الەم ۋكراينانى قولداۋدى ەسەلەۋى كەرەك، ءبىز جەڭۋىمىز كەرەك" دەيدى ول.
بۇعان دەيىن رەسەي سىرتقى ىستەر ءمينيسترى سەرگەي لاۆروۆ باتىستىڭ ۋكرايناعا قارۋ-جاراق جونەلتۋى "ناتو-نىڭ شىن مانىندە رەسەيمەن سوعىسىپ جاتقانىن" بىلدىرەتىنىن ايتقان. لاۆروۆ قاقتىعىستىڭ ءورشۋى ءقاۋپى ۇلكەن ەكەنىن مالىمدەگەن.
پىكىر قالدىرۋ