"Amanat" پارتياسىنىڭ كەزەكتەن تىس XXIII سەزى ءوتىپ جاتىر.
ونىڭ بارىسىندا پرەزيدەنت ق.توقايەۆ "Amanat" پارتياسىنىڭ ءتوراعاسى وكىلەتىن توقتاتىپ، پارتيا قاتارىنان شىعاتىنىن ءمالىم ەتتى. ورنىنا ءماجىلىس سپيكەرى ەرلان قوشانوۆتى ۇسىنىپ، ونىڭ كانديداتۋراسى ماقۇلداندى.
ق.توقايەۆ بيىلعى جولداۋىندا پرەزيدەنت ەشقانداي پارتيا مۇشەسى بولماۋعا ءتيىس ەكەنىن ايتقان بولاتىن.
سونداي-اق سەزد بارىسىندا "Adal" پارتياسى "Amanat" پارتياسىنىڭ قاتارىنا قوسىلىپ، "Amanat" پارتياسىنىڭ ساياسي كەڭەسى ەكس-ادالدىقتار ەلدار جۇماعازييەۆ، ماقسات تولىقباي جانە داۋلەت مۇقايەۆپەن تولىقتى.
"Adal" 2020 جىلعى قاراشادا اتاۋى وزگەرگەن بۇرىنعى "بىرلىك" پارتياسى. 2013 جىلى تىركەلگەن. ەلدەگى رەسمي تىركەلگەن 6 پارتيانىڭ ءبىرى. پارتيا مۇشەلەرى "رەبرەندينگ" سەبەبىن "ادىلدىكتى تالاپ ەتۋشىلەر كوبەيدى" دەپ تۇسىندىرگەن. پارتيا سوڭعى پارلامەنت سايلاۋىندا پارلامەنتكە وتۋگە مۇمكىندىك بەرەتىن تابالدىرىق – 7 پايىز داۋىستى جيناي الماعان.
پىكىر قالدىرۋ