"شەتەلدىك جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 639 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 3 150 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 8 115 جانە 825 ادام. سونداي-اق ماۋسىمدىق جۇمىستارعا 1 197 ادام، ال كورپوراتيۆتىك اۋىستىرۋ اياسىندا 2 352 ادام تارتىلدى.

قازىرگى ۋاقىتتا قازاقستاندا شجك پايدالاناتىن 1 683 جۇمىس بەرۋشى بار. ولاردا 429 مىڭنان استام قازاقستان ازاماتتارى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%ىن قۇرايدى" دەلىنگەن مينيسترلىك حابارلاماسىندا.

ەڭبەك ميگرانتتارى كەلەتىن نەگىزگى ەلدەر: جۇڭگو – 3 685 ادام، تۇركيا – 1 977 ادام، ءۇندىستان – 1 268 ادام، وزبەكستان – 1 195 ادام، سەربيا – 1 109 ادام.

بيىل شەتەلدىك جۇمىس كۇشىن تارتۋعا ارنالعان كۆوتا سانى 23 560 بىرلىكتى قۇرايدى.