الماتى اكىمى ەربولات دوسايەۆ ۇلى جەڭىستىڭ 77 جىلدىعى مەن ارداگەرلەر قوزعالىسىنىڭ 35 جىلدىعىن مەرەكەلەۋ قارساڭىندا الماتى قالالىق  ارداگەرلەر كەڭەسىنىڭ سالتاناتتى پلەنۋمىنا قاتىستى. كەزدەسۋدە ۇلى وتان سوعىسىنىڭ ارداگەرلەرى، ەڭبەك ارداگەرلەرى، ينتەرناسيوناليست-جاۋىنگەرلەر، اۋعان سوعىسىنا قاتىسۋشىلار، قوعامدىق ۇيىمداردىڭ وكىلدەرى جانە ت.ب. بولدى.

ءوزىنىڭ سوزىندە ەربولات دوسايەۆ جەڭىس كۇنىنىڭ ءبىزدىڭ حالقىمىز ءۇشىن ەرەكشە تاريحي ماڭىزىن بار ەكەنىن اتاپ ءوتتى. سوعىس جىلدارى مايدانعا 1،3 ملن قازاقستاندىق شاقىرىلدى. قازاقستاننىڭ 100 مىڭنان استام جاۋىنگەرى جاۋىنگەرلىك وردەندەرمەن جانە مەدالدارمەن ماراپاتتالدى، ال 500-دەن استام ادام كەڭەس وداعىنىڭ باتىرى اتاعىن يەلەندى.

الماتى اكىمى قالادا ۇلى وتان سوعىسىنىڭ ءاربىر ارداگەرىن مەرەكەمەن قۇتتىقتايتىنىن ءاتاپوتتى.

«ءوزىم جانە مەنىڭ ورىنباسارلارىم، اۋدان اكىمدەرى جانە ءماسليحات دەپۋتاتتارى ۇلى جەڭىس كۇنى قارساڭىندا ءاربىر ارداگەر مەن سوعىس ارداگەرىن جەكە كەلىپ، قۇتتىقتايتىن بولامىز. 28 گۆاردياشىل-پانفيلوۆشىلار اتىنداعى ساياباقتاعىمەرەكەلىك ءىس-شارالارعا قاتىسىپ، ماڭگىلىك الاۋجانىندا باتىرلاردى ەسكە الۋعا نيەت بىلدىرگەنارداگەرلەر ءۇشىن ارنايى ترانسفەرت ۇيىمداستىرىلادى»، - دەدى ەربولات دوسايەۆ.

اعىمداعى جىلى قالا ءماسليحاتى الماتى اكىمىنىڭ ۇوس قاتىسۋشىلارى مەن مۇگەدەكتەرىنە تولەمدەردى ەكى ەسە – 500 مىڭنان 1 ميلليون تەڭگەگە دەيىن ۇلعايتۋ جونىندەگى ۇسىنىسىن قولدادى. ولارعا تەڭەستىرىلگەن تۇلعالار 100 مىڭ تەڭگەدەن الادى، سوعىسقا قاتىسۋشىلاردىڭ وتباسىلارى مەن جەسىرلەرىنە، تىل ەڭبەككەرلەرىنە 50 مىڭ تەڭگەدەن تولەنەدى. بارلىعى 15 مىڭنان استام ادام مەملەكەتتىڭ قارجىلىق قولداۋىنا يە بولادى، وسى ماقساتتارعا بيۋدجەتتە 1،1 ملرد تەڭگە قاراستىرىلعان.

ەربولات دوسايەۆ قارت ادامداردىڭ بوس ۋاقىتىن ۇيىمداستىرۋ جانە ولارعا قولداۋ كورسەتۋ جونىندەگى كەشەندى شارالار تۋرالى دا ايتىپ بەردى. قالادا 200 مىڭنان استام ادامعا تەگىن الەۋمەتتىك قىزمەت كورسەتەتىن توعىز بەلسەندى ۇزاق ءومىر ءسۇرۋ ورتالىعى جۇمىس ىستەيدى. كەلەسى جىلى تاعى ءبىر بەلسەندى ۇزاق ءومىر ءسۇرۋ ورتالىعىن اشۋ جوسپارلانۋدا.

كەزدەسۋ بارىسىندا قالالىق ارداگەرلەر كەڭەسىنىڭ ءتوراعاسى اقان بيجانوۆ الماتى قالاسىندا ارداگەرلەر قوزعالىسىنىڭ بەلسەندى دامىعانىن ايتتى. قازىرگى كەزدە پانفيلوۆ ديۆيزياسى، اسكەري-اۋە كۇشتەرى، ءاشقق اسكەرلەرى ارداگەرلەرىنىڭ، لەنينگراد بلوكادالارى مەن فاشيزم تۇتقىندارىنىڭ كەڭەستەرى جۇمىس ىستەيدى. ارداگەرلەر ۇيىمدارىنىڭ مۇشەلەرىجاۋىنگەرلەردىڭ جەرلەنگەن جەرلەردى كۇتىپ باپتايدى، ءتۇرلى پاتريوتتىق اكسيالار وتكىزەدى جانە جاس ۇرپاقتى تاربيەلەۋگە، ونىڭ ىشىندە «شىڭعا ورلەۋ» جوباسى اياسىندا ۇلەس قوسۋدا. جوبا از قامتىلعان وتباسى بالالارىنىڭ تالىمگەرلىگىنە اعا بۋىن وكىلدەرىن كەڭىنەن تارتۋدا.

پلەنۋم بارىسىندا الماتى قالالىق جانە المالى اۋداندىق ارداگەرلەر كەڭەسىنىڭ مۇشەسى حاميت ءبىرجانوۆ، ۇلى وتان سوعىسىنىڭ ارداگەرى، ق ر ۇعا اكادەميگى، فيلوسوفيا عىلىمدارىنىڭ دوكتورى دوسمۇحاممەد قىشىبەكوۆ، سوسياليستىك ەڭبەك ەرى ۆەرا سيدوروۆا، ق ر ەڭبەك سىڭىرگەن قايراتكەرى نۇرلان ورازالين، بوستاندىق اۋداندىق ارداگەرلەر كەڭەسىنىڭ ءتوراعاسى اسەن بەسپايەۆا ءسوز سويلەدى. قاتىسۋشىلار ارداگەرلەر ۇيىمدارىنىڭ قوعامدىق قىزمەتى تۋرالى اڭگىمەلەدى، قالانى دامىتۋ بويىنشا ۇسىنىستارىن ايتتى، سونداي-اق وتكەن جىلدارداعى جىلى ەستەلىكتەرىمەن ءبولىستى.