وڭىردە مەديسينا قىزمەتكەرلەرى شەتەلدىڭ بەلدى كلينيكالارىندا بىلىكتىلىگىن ارتتىرىپ، ىس-تاجىريبەمەن الماسىپ قايتقان. سونداي-اق اۋرۋحانالار سوڭعى ۇلگىدەگى مەديسينالىق قۇرال-جابدىقرمەن جابدىقتالۋدا.

 

– 290 مىڭ ازامات ۆاكسينالارمەن جانە يممۋنوبيولوگيالىق پرەپاراتتارمەن، سيرەك اۋرۋلارى بار ناۋقاستار دارىلىك پرەپاراتتارمەن قامتاماسىز ەتىلدى. 7 دەنساۋلىق ساقتاۋ نىسانىنا كۇردەلى جوندەۋ جۇرگىزىلدى. وبلىستىڭ مەديسينالىق مەكەمەلەرىنىڭ ماتەريالدىق-تەحنيكالىق بازاسىن نىعايتۋعا وتكەن جىلى 11،2 ملرد تەڭگە ءبولىنىپ، 2 كومپيۋتەرلىك توموگراف، 7 رەنتگەن-اپپاراتى ساتىپ الىندى، اۋداندىق اۋرۋحانالاردىڭ 12 پەرزەنتحانا بولىمشەلەرى ءۇشىن 502 بىرلىك جابدىق ساتىپ الىندى. وسكەمەندە ماممولوگيا جانە گينەكولوگيا رەانيماسياسى بولىمشەسىنىڭ وپەراسيالىق بلوگى جاڭعىرتىلدى، گەماتولوگيا ورتالىعىنىڭ قۇرىلىسى جۇرگىزىلۋدە. سەمەي قالاسىنىڭ پەريناتالدىق ورتالىعىنىڭ بازاسىندا بالالاردى وڭالتۋ جانە كاتامنەز ورتالىعىن جاڭعىرتۋ اياقتالدى، – دەدى دانيال احمەتوۆ.

 

سونىمەن قاتار وبلىستا شەتەلدىك جەتەكشى كلينيكالاردا مەديسينا كادرلارىن وقىتۋ باعدارلاماسى تابىستى ىسكە اسىرىلۋدا. 5 جىل ىشىندە 5،6 مىڭ مەديسينا قىزمەتكەرى، ونىڭ ىشىندە 341 دارىگەر شەتەلدە وقۋدان ءوتتى. ولاردىڭ ىشىندە وتكەن جىلى 65 مامان يزرايل، پولشا، رەسەي كلينيكالارىندا بىلىكتىلىگىن ارتتىردى.

 

جالپى، وبلىستىڭ دەنساۋلىق ساقتاۋ سالاسىن دامىتۋعا 24،2 ملرد.تەڭگە جۇمسالدى.