ءماجىلىس دەپۋتاتتارىنىڭ جالپىحالىقتىق رەفەرەندۋمدى ءتۇسىندىرۋ بويىنشا وڭىرلەرگە ساپارى جالعاسۋدا.  بۇگىن «اق جول» جانە «قازاقستان حالىق پارتياسى» فراكسياسىنىڭ دەپۋتاتتارى ماڭعىستاۋ جانە الماتى وبلىستارىنا باردى.

«اق جول» قازاقستاننىڭ دەموكراتيالىق پارتياسىنىڭ ءتوراعاسى ازات پەرۋاشيەۆ ماڭعىستاۋ وبلىسىنا بارىپ، «ماەك-قازاتوم ونەركاسىپ» ۇجىمىمەن كەزدەستى.

دەپۋتات كونستيتۋسيالىق رەفورمانى ىسكە اسىرۋدىڭ باستى كەپىلى حالىق ەكەندىگىن تىلگە تيەك ەتىپ، جالپىحالىقتىق رەفەرەندۋمدا سايلاۋ ۋچاسكەلەرىنە بارىپ، داۋىس بەرۋگە شاقىردى.

– بۇل رەفەرەندۋمنىڭ ساياسي، تاريحي ماڭىزىنان بولەك الەۋمەتتىك، ەكونوميكالىق ماڭىزى تەرەڭ. ءبىز جاڭا مەملەكەتتىك باسقارۋ مودەلىنە، جاڭا ساياسي جۇيەگە قادام باسقالى وتىرمىز. بيلىكتىڭ ءۇش تارماعى اراسىندا ياعني اتقارۋشى بيلىك، وكىلەتتى ورگان جانە سوت تارماعى اراسىنداعى قارىم-قاتىناستى تەڭەستىرۋ. مەملەكەتتىك بيلىكتى حالىققا جاقىنداتۋ بۇل ساياسي ناۋقاننىڭ باستى ماقساتى، – دەدى ازات پەرۋاشيەۆ.

سونىمەن قاتار بۇگىن قازاقستان حالىق پارتياسىنىڭ مۇشەلەرى ەرلان سمايلوۆ، عازيز قۇلاحمەتوۆ جانە ايجان سقاقوۆا الماتى وبلىسىنداعى تەكەلى قالاسىنا باردى. وندا دەپۋتاتتار ءبىرقاتار ەڭبەك ۇجىمىمەن ءجۇزدەسىپ، رەفەرەندۋمنىڭ مازمۇنىن، وعان ەنگىزىلەتىن وزگەرىستەر تۋرالى باياندادى.  

اتاپ ايتقاندا، تەكەلىنى جىلۋمەن قامتاماسىز ەتىپ وتىرعان تەس-1ء-دىڭ ۇجىمىندا 5 ماۋسىمدا وتەتىن جالپىحالىقتىق رەفەرەندۋمعا قاتىستى ءتۇسىندىرۋ جۇمىستارىن جۇرگىزدى. رەفەرەندۋم حالىققا قوعامدىق-ساياسي ومىرگە بەلسەندى ارالاسۋعا مۇمكىندىك بەرەتىنىن جانە ءار ادامنىڭ وسى ناۋقانعا قاتىسۋى ماڭىزدى ەكەنىن ايتتى.

ماتەريال «اق جول» دەموكراتيالىق پارتياسى مەن قازاقستان حالىق پارتياسىنىڭ اقپاراتى بويىنشا دايىندالدى