"1 ماۋسىم – حالىقارالىق بالالاردى قورعاۋ كۇنىنە وراي 18 جاسقا دەيىنگى بالالارى بار وتباسىلارعا «Kaspi gold» ءموبيلدى قوسىمشاسىنداعى الەۋمەتتىك شوت ارقىلى ءبىرجولعى جاردەماقى تولەنەتىنى تۋرالى مەسسەندجەرلەر مەن الەۋمەتتىك جەلىلەردە تاراتىلىپ جاتقان اقپارات شىندىققا جاناسپايدى" دەلىنگەن مينيسترلىك اقپاراتىندا.

ۆەدومتسۆو سونداي-اق "Kaspi gold" قوسىمشاسىندا رەسپۋبليكالىق بيۋدجەتتەن بالا تۋعاندا بەرىلەتىن ءبىرجولعى جاردەماقىنى رەسىمدەۋ بويىنشا مەملەكەتتىك قىزمەت جۇزەگە اسىرىلاتىنىن جەتكىزدى.

ءبىرىنشى، ەكىنشى، ءۇشىنشى بالا تۋعاندا بەرىلەتىن جاردەماقى مولشەرى 116 394 تەڭگەنى (38 اەك)، ءتورتىنشى جانە ودان كەيىنگى بالاعا – 192 969 تەڭگەنى (63 اەك) قۇرايدى.

سونداي-اق اتالعان قوسىمشا ارقىلى ازاماتتار جۇمىس ىستەمەيتىن ايەلدەر ءۇشىن ءبىر جاسقا دەيىنگى بالا كۇتىمى بويىنشا جاردەماقى رەسىمدەي الادى. جاردەماقى مولشەرى وتباسىنداعى بالالار سانىنا بايلانىستى سارالانادى. وسى جىلى ءبىرىنشى بالاعا اي سايىن 17 643 تەڭگە (5،76 اەك)، ەكىنشى بالاعا – 20 860 تەڭگە (6،81 اەك)، ءۇشىنشى بالاعا – 24 045 تەڭگە (7،85 اەك)، ءتورتىنشى جانە ودان كەيىنگى بالاعا – 27 261 تەڭگە (8،90 اەك) تولەنەدى.