ۋكراينا پرەزيدەنتى ۆلاديمير زەلەنسكيي "رەسەي ۋكراينانىڭ ازاماتتىق جانە اسكەري ينفراقۇرىلىمىن ۇزاق قاشىقتىقتاعى زىمىراندارمەن اتقىلاپ جاتىر، ويتكەنى ونىڭ ارمياسى جەردەگى بەتپە-بەت شايقاستا ايتارلىقتاي جەتىستىكتەر كورسەتە المادى" دەيدى.
كەشە تۇندە جاريالاعان ۆيدەوۇندەۋىندە زەلەنسكيي لۆوۆ، سۋمى جانە چەرنيگوۆ وبلىستارىن رەسەيلىك كۇشتەر زىمىرانمەن اتقىلانعانىن ايتتى. لۋگانسك وبلىسىندا اۋە سوققىلارى، شەكارالاس اۋدانداردا "سابوتاج ارەكەتى" بولعانىن مالىمدەدى.
"مۇنىڭ ءبارى كۇشىمىزدى سىناۋ ءۇشىن دە ەمەس. رەسەي ارمياسى ەلىمىزدىڭ شىعىسى مەن وڭتۇستىگىندە ءبىرقاتار ساتسىزدىكتەرگە، شىعىندارعا ۇشىرادى، ەندى سونىڭ ورنىن تولتىرۋ ءۇشىن وسىلاي ىستەپ جاتىر. ولار جالپى العاندا تابىسقا قول جەتكىزە المادى. سوندىقتان ولار زىمىراندارى مەن باسقا ارەكەتتەرى ارقىلى تابىسقا جەتۋگە تىرىسادى" دەيدى زەلەنسكيي.
دەرەككەوز: ۆۆس
پىكىر قالدىرۋ