«AMANAT» پارتياسىنىڭ ءتوراعاسى، ءماجىلىس سپيكەرى ەرلان قوشانوۆ سەمەي قالاسىنا جۇمىس ساپارى بارىسىندا پارتيا فيليالىنا بارىپ، اماناتتىقتارمەن كەزدەستى. وندا پارتيا ءتوراعاسى پرەزيدەنتتىڭ اباي وبلىسىن قۇرۋ تۋرالى تاريحي شەشىمى ايماقتىڭ الەۋمەتتىك-ەكونوميكالىق ومىرىنە تىڭ سەرپىلىس اكەلەتىنىنە نازار اۋدارىپ، بۇل فيليال جۇمىسىن دا جانداندىرا تۇسەتىنىن ايتتى.
جيىندا ەرلان قوشانوۆ پرەزيدەنت رەفورمالارىن حالىققا تۇسىندىرۋدە «AMANAT» پارتياسىنىڭ مۇشەلەرى وسى جۇمىستىڭ الدىڭعى شەبىندە جۇرۋگە ءتيىس ەكەنىن اتاپ ءوتتى.
«جالپى العاندا بۇل رەفورمالار قوعام تاراپىنان جان-جاقتى قولداۋ تابۋدا. ويتكەنى، وزگەرىستەر ەڭ اۋەلى حالىقتىڭ سۇرانىسىنا نەگىزدەلگەن. مەملەكەت باسشىسىنىڭ رەفورمالارى ءار ادامعا تەڭ مۇمكىندىك بەرۋگە، ادىلەتتى قوعام قۇرۋعا باعىتتالعان»، – دەدى ول.
سونىمەن قاتار پارتيانىڭ الدىندا اۋقىمدى مىندەتتەر تۇرعانىنا ەرەكشە ءمان بەردى.
«مەملەكەتىمىز جاڭا كەزەڭگە قادام باسقالى تۇر. حالىقتىڭ دا كوزقاراسى وزگەرۋدە. «AMANAT» بۇل پروسەستەردەن شەت قالماۋى قاجەت. پارتيانىڭ باعىت-باعدارىن پرەزيدەنتتىڭ ءوزى ايقىنداپ بەردى.بىزگە جاساندىلىقتان، بيۋروكراتيا مەن كوزبوياۋشىلىقتان ارىلعان ءجون. ءبىز ناقتى ىستەرمەن اينالىسۋىمىز كەرەك»، – دەدى پارتيا ءتوراعاسى.
ەرلان قوشانوۆ «AMANAT» پارتياسى حالىقتىڭمۇددەءسىن قورعايتىن پارتيا ەكەنىن ايتا كەلە، وڭىرلەردەگى ءبىرقاتار ماسەلەگە نازار اۋداردى.
«كءوپ جەردە جايىلىم ماسەلەسىنىڭ وزەكتىلىگى ارتىپ وتىر. ءبىز وسىعان بەلسەنە كىرىسۋىمىز كەرەك.ءماجىلىس دەپۋتاتتارى بۇل جۇمىستى باستاپ كەتتى.ەندى جەرگىلىكتى فيليالدارىمىز دا وسىنى شەشۋگە ارالاسقانى ءجون»، – دەدى ەرلان قوشانوۆ.
سونداي-اق كەزدەسۋدە پارتيا ءتوراعاسى مەنشىك يەلەرى بىرلەستىگى ماسەلەلەرى ءالى كۇنگە دەيىن جۇيەلى شەشىمىن تاپپاي وتىرعانىن اتاپ ءوتتى.
ەرلان قوشانوۆتىڭ پىكىرىنشە، كوپتەگەن قالادا بىرلەستىكتى ەنگىزۋ بارىسىندا قيىندىقتار تۋىنداپ، تۇرعىنداردىڭ كوڭىلى تولماي وتىر. پارتيا جەرگىلىكتى اكىمدىكتەرمەن بىرگە وسى جۇمىسقا بەلسەنە ارالاسۋى كەرەك. باستاما كوتەرىپ، پروبلەمانىڭ شەشىلۋ جولدارىن ۇسىنۋلارى ءتيىس.
كەزدەسۋدە پارتيا ءتوراعاسى جاستاردى جۇمىسپەن قامتۋ ماسەلەسىن كوتەرىپ، ءموبيلدى قوعامدىق قابىلداۋلاردىڭ جۇمىسىن كۇشەيتۋ جونىندە تاپسىرما بەردى.
«بءىرىنشى كەزەكتە، ول جۇمىسسىز، ماماندىقسىز، ۇيسىز-كۇيسىز جۇرگەن جاستارعا ارنالۋى كەرەك. ءبىز ولاردىڭ كەلۋىن كۇتپەي، ءوزىمىز سولارعا قاراي قادام جاساۋعا ءتيىسپىز. مىڭداعان جاستى قولداۋعا باعىتتالعان ءتۇرلى مەملەكەتتىك باعدارلاما بار ەكەنىن كوپشىلىك بىلمەيدى. وسى جۇمىستى پارتيا فيليالدارى باستى نازاردا ۇستاۋى قاجەت دەپ ەسەپتەيمىن»، – دەدى ەرلان قوشانوۆ.
پىكىر قالدىرۋ