قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ 2022 جىلدى "بالالار جىلى" دەپ جاريالاۋ تۋرالى جارلىعىنا سايكەس، شىعىس قازاقستان وبلىسىندا جەرگىلىكتى اتقارۋشى ورگاندار مەن قۇتقارۋشىلار بىرلەسكەن ءىس-شارا وتكىزدى. وسكەمەن قالاسى №7 ءورت ءسوندىرۋ بولىمىندە جاس قۇتقارۋشىلار مەن قالانىڭ ءورت ءسوندىرۋ مەكتەپتەرىنىڭ كوماندالارى اراسىندا جارىس ءوتتى.

بالالار قاۋىپسىزدىگى – بالا تاربيەسىنىڭ ماڭىزدى بولىگى. دەمالىستاردى وقىس وقيعاسىز وتكىزۋ ءۇشىن شقو قۇتقارۋشىلارى بالالاردى توتەنشە جاعدايلاردا ءوزىن ۇستاۋ ەرەجەلەرىنە دايىنداپ، ۇيرەتەدى.

– بۇگىنگى قۇتقارۋشىلار مەن ءورت سوندىرۋشىلەر ءتۋرنيرى قازاقستانداعى بالا جىلى قارساڭىندا ءوتىپ وتىر. وسى ءىس-شارا ارقىلى ءبىز بالانىڭ قاۋىپسىزدىگى ماسەلەسى ءارقاشان اتا-انالار مەن قوعام، بيلىك وكىلدەرى ءۇشىن ءبىرىنشى كەزەكتە تۇرۋى ءتيىس ەكەنىنە نازار اۋدارعىمىز كەلەدى، – دەيدى شقو ءبىلىم باسقارماس "دارىن" ورتالىعى ديرەكتورىنىڭ ورىنباسارى ەلەنا شيمينا.

جارىسقا 150-دەن استام وقۋشى قاتىستى. بالالار شارتتى ءورتتى سوندىرە وتىرىپ، كەدەرگىلەر جولاعىنان ءوتۋ، العاشقى مەديسينالىق كومەكتى ساۋاتتى كورسەتۋ، قاۋىپسىزدىك پلاكاتىن ازىرلەۋ جانە قولدان بۇيىمدار جاساۋ سياقتى تاپسىرمالار بەرىلدى.

– بالالار جاساعىنىڭ جارىستارى 15 جىلدان استام ۋاقىت بويى وتكىزىلىپ كەلەدى، ءبىراق 2022 جىل بالالار جىلى دەپ جاريالانعاندىقتان بيىلعى ءىس-شارا ەرەكشە سيپاتقا يە. ءىس-شاراعا بالالاردىڭ كوپتەپ قاتىسقانى قۋانتادى، ويتكەنى ءىس-شارا ەرتە جاستان باستاپ ءارتۇرلى توتەنشە جاعدايلاردا ارەكەت ەتۋ داعدىلارىن قالىپتاستىرۋدى كوزدەيدى، – دەپ اتاپ ءوتتى تج باسقارماسىنىڭ اعا وفيسەرى ۆالەنتين ليتۆينەنكو.

كەدەرگىلەردەن ءوتۋ بويىنشا № 4 ورتا مەكتەپتىڭ وقۋشىلارى ۇزدىك ناتيجە كورسەتتى. ال № 42 مەكتەپتىڭ بالالارى العاشقى كومەك كورسەتۋدە وزدەرىن جاقسى بىلىمدەرىن تانىتا ءبىلدى. قازىلار القاسى № 35 مەكتەپ وقۋشىلارىن ەڭ ەرەكشە قولونەرگە لايىق دەپ تاپتى. ال ءورت سوندىرۋشىلەردىڭ جۇمىسىن ازىلمەن كورسەتكەن № 29 مەكتەپتىڭ ۆيزيت كارتوچكاسى ۇزدىك دەپ تانىلدى.

– بۇگىن العان ءبىلىمىم بولاشاقتا قاجەتىمە قاراپ قالۋى مۇمكىن. مىسالى، مەن سۋعا باتىپ بارا جاتقان ادامعا قالاي كومەكتەسۋگە بولاتىنىن نەمەسە بىردەڭە جانىپ تۇرسا، ءورتتى قالاي سوندىرۋگە بولاتىنىن بىلەمىن، – دەيدى جارىسقا قاتىسۋشى بازيل الي.

ءىس-شارا سوڭىندا قورىتىندى شىعارىلىپ، جەڭىمپاز كوماندالار ماراپاتتالدى. جالپى كوماندالىق ەسەپتە ءبىرىنشى ورىندى №20 مەكتەپتىڭ قۇراما كومانداسى، ەكىنشى ورىندى № 3 مەكتەپتىڭ كومانداسى، ءۇشىنشى ورىندى № 22 مەكتەپتىڭ كومانداسى يەلەندى. جەڭىمپازدارعا گراموتالار جانە كۋبوكتار تابىستالدى.