ەكونوميكا، ءبىلىم جانە عىلىم ءمينيسترى بولعان، "قتج"، "قازمۇنايگاز" سياقتى ءىرى ۇلتتىق كومپانيالاردا باسشىلىق قىزمەت اتقارعان جاقسىبەك قۇلەكەيەۆ پرەزيدەنت قاسىم-جومارت توقايەۆتى دا "ەلباسى" دەپ اتاپ كەرەك دەپ سانايدى. ەكس-مينيستر بۇل تۋرالى nege.kz سايتىنا بەرگەن سۇحباتىندا ايتقان.
جاقسىلىق قۇلەكەيەۆ 5 ماۋسىمدا بولاتىن رەفەرەندۋمدى مەملەكەتتىڭ ەڭ ماڭىزدى ماسەلەلەرىن حالىق بولىپ شەشۋدىڭ باستى تەتىگىنىڭ ءبىرى دەپ ەسەپتەيدى.
– ەلباسى كەزەڭىندە رەفەرەندۋم بولعان جوق. سونىڭ سالدارىنان حالىق پەن بيلىك اراسىندا، كەدەي مەن باي اراسىندا الشاقتىق بولدى. زاڭ الدىندا بارلىعىنىڭ بەدەلى ءبىر ەكەنىن ۇمىتىپ كەتتىك. مەنىڭ ويىمشا، كەز كەلگەن زاڭدى رەفەرەندۋم ارقىلى شەشۋ كەرەك. سوندا ەلباسى تۇسىنداعىداي ساياسي قاتەلىكتەر بولمايدى، – دەيدى ەكس-مينيستر.
جاقسىلىق ابدىراحمەت ۇلى سۇحبات بارىسىندا قاسىم-جومارت توقايەۆتى دا "ەلباسى" دەپ اتاۋ كەرەك ەكەنىن اتاپ ءوتتى.
– ول تيتۋلدى بەرگەن ادام ءقازىر جوعارى قىزمەتتە وتىر. مەنىڭ وعان ەش قاتىسىم جوق. قۇلاققا ءسىڭىمدى بولىپ كەتكەن سوڭ سولاي اتايمىن. "ەلباسى" ءسوزىن نازاربايەۆقا عانا قولدانۋ قاتەلىك. بۇل – پرەزيدەنت دەگەن ءسوزدىڭ قازاقشا بالاماسى. تۇرىكتەردە "Ülkenin başı" دەگەن ءسوز بار، بارلىق پرەزيدەنتكە سول ءسوزدى قولدانادى. سوندىقتان "ەلباسى" دەپ توقايەۆتى دا ايتۋ كەرەك. قازاقتىڭ ءتول ءسوزى بولعاندىقتان، كەلەشەك پرەزيدەنتتەرىمىزدى دە سولاي اتاعان دۇرىس، – دەدى جاقسىلىق قۇلەكەيەۆ.
