2022 جىلعى ءى توقساندا احات بولىمدەرى ارقىلى 4،1 مىڭ جۇپ اجىراسقان. بۇل ءبىر جىل بۇرىنعى كورسەتكىشتەن 10،3 پايىزعا از.

Ranking سايتى كەلتىرگەن دەرەكتەردە، اجىراسۋ اۋىلدىق جەرلەردە 27،5 پايىزعا، قالادا 5،5 پايىزعا ازايعانى ايتىلادى.

اجىراسۋ جاعدايلارى الماتى قالاسىندا (536)، الماتى (466) جانە قاراعاندى وبلىستارىندا (417) ءجيى كەزدەسەدى. جىل باسىنان بەرگى ەڭ تومەنگى اجىراسۋ فاكتىلەرى قىزىلوردا وبلىسىندا (69) تىركەلگەن.

2021 جىلى جالپى 48،2 مىڭ جۇپ اجىراسقان. بۇل – 2020 جىلعا قاراعاندا 0،5 پايىزعا ارتىق. ونىڭ ىشىندە 2،7 مىڭ جۇپ جۇپتاسىپ جىلعا جۋىق ۋاقىت تا تۇرماعان. وندايلاردىڭ سانى الدىڭعى جىلعا قاراعاندا 16 پايىزعا كوبەيگەن. ەرتە اجىراسۋ دەرەكتەرى الماتى قالاسى مەن الماتى وبلىسىندا، نۇر-سۇلتان قالاسىندا، سقو-دا تىركەلگەن..

اجىراسۋشىلار اراسىندا 1 جىلدان 4 جىلعا دەيىن تۇرعاندار سانى – 14،1 مىڭ، 5 جىلدان 9 جىلعا دەيىن ءبىر شاڭىراق استىندا ءومىر سۇرگەندەر – 12،7 مىڭ، 10 جىلدان 14 جىلعا دەيىن – 7 مىڭ، 15 جىلدان 19 جىلعا دەيىن – 3،3 مىڭ، 20 جىلدان ارتىق تۇرىپ اجىراسقاندار 6،1 مىڭ.