ءارتىس، ازىلكەش تۇرسىنبەك قاباتوۆ ساياسي پارتيا قۇرعالى جاتقانى تۋرالى اقپاراتتى تەرىسكە شىعاردى.
– بۇل تۋرالى وسى ءقازىر ءسىزدىڭ اۋزىڭىزدان ەستىپ وتىرمىن. مەن ءوزىم گوسترولدىك ساپاردا ءجۇرمىن. پارتيا اشقانى نەسى؟! ساياساتقا ارالاسۋ ويىمدا دا جوق. پارتيا قۇرۋ جونىندەگى اقپارات – جالعان. بىرەۋلەردىڭ ەرىككەننەن جاساپ جۇرگەن اڭگىمەسى شىعار، – دەدى قاباتوۆ قامشى تىلشىسىنە.
بۇعان دەيىن "ادىرنا"، Kznews.kz اقپارات پورتالدارىندا تۇرسىنبەك قاباتوۆ "ابىروي" دەگەن اتپەن پارتيا قۇراتىنىن تۋرالى اقپارات شىققان.
"كۆن جۇلدىزى ۇلتى مەن دىنىنە قاراماستان قازاقستاننىڭ بارلىق تۇرعىندارىنىڭ باسىن بىرىكتىرۋگە نيەتتى. الدىن الا مالىمەتتەر بويىنشا، پارتيا باعدارلاماسىندا وزگە مىندەتتەردىڭ قاتارىنا بىرلىكتىڭ بىرەگەي قازاقستاندىق مودەلىن ساقتاپ قالۋ جانە ارتتىرۋ، ەلدە ءومىر سۇرەتىن بارلىق حالىقتاردىڭ اراسىنداعى بەرىك دوستىقتى كۇشەيتۋ كىرەدى" دەلىنگەن اتالعان پورتالدارداعى اقپاراتتا.
پىكىر قالدىرۋ