ۇلتتىق مۋزەي ديرەكتورى ارىستانبەك مۇحامەدي ۇلى قاماۋعا الىنعانى رەسمي تۇردە راستالدى.
"نۇر-Cۇلتان قالاسى بويىنشا سىبايلاس جەمقورلىققا قارسى قىزمەت "التىن ادامنىڭ الەم مۋزەيلەرىنە شەرۋى" حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا قازاقستان رەسپۋبليكاسى ۇلتتىق مۋزەيىنىڭ لاۋازىمدى ادامدارىنا جانە باسقا دا تۇلعالارعا 146 ميلليون تەڭگە سوماسىندا بيۋدجەت قاراجاتىن جىمقىرۋ بەلگىلەرى بويىنشا سوتقا دەيىنگى تەرگەپ-تەكسەرۋدى جۇرگىزەدى.
2022 جىلعى 28 مامىردا سوتتىڭ سانكسياسىمەن ۇلتتىق مۋزەي ديرەكتورى ارىستانبەك مۇحامەديۇلىنا قاتىستى "كۇزەتپەن ۇستاۋ" بۇلتارتپاۋ شاراسى تاڭدالدى" دەلىنگەن انتيكور اقپاراتىندا.
بۇعان دەيىن ۇلتتىق مۋزەي ديرەكتورى جوعارىدا اتالعان ايىپ بويىنشا كۇدىككە ىلىنگەنى، وزىنە قول سالماق بولعانى تۋرالى اقپارات شىققان.
پىكىر قالدىرۋ