قازاقستاندا اسكەري قىزمەتشىلەردىڭ زەينەت جاسى ۇلعايادى. بۇل تۋرالى قورعانىس مينيسترلىگى زەينەتاقى ورتالىعىنىڭ باسشىسى قايىرجان بيمولدين ءمالىم ەتتى.

– بيىل اسكەري قىزمەت تۋرالى زاڭعا قىزمەت مەرزىمىن 5 جىلعا كوبەيتۋ تۋرالى نورما مەن وزگەرىستەر ەنگىزىلدى. وسىعان بايلانىستى زەينەت جاسى دا بەس جىلعا وسەدى. زەينەتاقى مولشەرى اسكەري قىزمەتشىنىڭ ەڭبەك وتىلىنە تىكەلەي بايلانىستى. ناقتى ايتساق، ەگەر 25 جىل ەڭبەك ءوتىلى بولسا، اسكەري قىزمەتشىگە 50 پايىز زەينەتاقى تاعايىندالادى. ال 25-تەن استام ءار جىلعا 2 پايىزدان قوسىلىپ وتىرادى. مىسالى، 30 جىل ەڭبەك ءوتىلى بار اسكەري قىزمەتشىگە ءوزىنىڭ الىپ وتىرعان جالاقىسىنىڭ 60 پايىز زەينەتاقى تاعايىندالادى، – دەدى قايىرجان بيمولدين. 

بيمولدين زەينەتاقىنى كوتەرۋ "زەينەتاقىمەن قامسىزداندىرۋ تۋرالى" زاڭنىڭ 4-بابىنىڭ 4-تارماعىندا دا قاراستىرىلعانىن، ءوسۋدىڭ نورمالارىن نەمەسە ارنالعان رەسپۋبليكالىق بيۋدجەت بەكىتەتىنىن ايتتى.