ەكس-پرەزيدەنت نۇرسۇلتان نازاربايەۆ تۋىستارى زاڭ بۇزعانى تولىق دالەلدەنگەن جاعدايدا، ءتيىستى تۇردە جازالانۋى كەرەك دەدى. بۇل تۋرالى تۇڭعىش پرەزيدەنتى ساياساتكەر دانيار اشىمبايەۆقا بەرگەن سۇحباتىندا ايتتى.
– ءبىز ۇزاق جىل بويى قازاقستاندا قۇقىقتىق مەملەكەت قۇرىپ كەلەمىز. ونىڭ نەگىزگى قاعيداتى: زاڭ – بارىنە ورتاق. ەگەر تۋىستارىمنىڭ ءبىرى زاڭدى بۇزۋ ءۇشىن مەنىڭ اتىمدى جامىلسا، وندا ولار ءتيىستى جازاعا تارتىلۋى كەرەك. ونىڭ كىناسى سوتتا دالەلدەنۋگە ءتيىس. ءار ازامات زاڭدى تۇردە قورعانۋعا قۇقىلى ەكەنىن ۇمىتپاعان ءجون، – دەدى نازاربايەۆ سۇحباتىندا.
ن.نازاربايەۆ كۇيەۋ بالاسى راحات الييەۆتىڭ زاڭسىز ارەكەتتەرىنە دە كوز جۇمىپ قاراماعانىن ايتقان.
– ول مەنىڭ قىزىمنىڭ كۇيەۋى بولدى. ۇلىم سياقتى ەدى، جيەندەرىمنىڭ اكەسى بولدى. ءبىراق سوعان قاراماستان مەملەكەت ونىڭ زاڭعا قايشى ارەكەتتەرىنە كوز جۇمىپ قاراعان جوق. قازاقستان سوتى ونى سوتتادى. ءبىراق ول قاشىپ ۇلگەردى، ءومىر بويى جاسىرىنۋعا ءماجبۇر بولدى. ادام قىزىعارلىق تاعدىر ەمەس، – دەدى نازاربايەۆ.
پىكىر قالدىرۋ