ەلباسى نۇرسۇلتان نازاربايەۆ ساياساتكەر دانيار اشىمبايەۆقا تەلەفون ارقىلى بەرگەن سۇحباتىندا قاڭتار وقيعاسى تۋرالى دا ءسوز قوزعادى. ەكس-پرەزيدەنت قاڭتار وقيعاسى قازاقستاندىقتار ءۇشىن ۇلكەن ساباق بولدى دەپ سانايدى.
– قاڭتار وقيعاسى بۇكىل قازاقستاندى ءدۇر سىلكىندىردى. جوعارىدا اتاپ وتكەنىمدەي، بۇل ۇيىمداسقان تارتىپسىزدىكتەر مەن قازاقستانعا جاسالعان شابۋىلداردىڭ ماقساتى – ەلگە بەيبەرەكەتتىك سەبۋ، مەملەكەتتىڭ تۇتاستىعىن بۇزۋ بولدى. بولعان قايعىلى جاعداي ءبارىمىز ءۇشىن ۇلكەن ساباق بولدى. بۇل وقيعانىڭ ارتىندا كىمنىڭ تۇرعانىن انىقتاۋ كەرەك. تەرگەۋ كەزىندە بۇل سۇراققا جاۋاپ تابىلاتىنىنا سەنىمدىمىن، - دەدى نۇرسۇلتان نازاربايەۆ.
سونداي-اق نازاربايەۆ سول ۋاقىتتا حالىق اراسىندا تاراعان ءتۇرلى ساۋالدارعا نە سەبەپتى جاۋاپ بەرمەگەنىن ايتىپ ءوتتى.
– مەن ءۇشىن سول ساتتە ءتۇرلى قاۋەسەتتەرگە جاۋاپ بەرۋدەن گورى، پرەزيدەنتكە قولداۋ كورسەتۋ ماڭىزدى بولدى. وعان ەلىمىزدىڭ قاۋىپسىزدىك كەڭەسى ءتوراعاسى وكىلەتتىگىن تولىق تاپسىردىم. پرەزيدەنتىڭ باتىل قادامدارىنىڭ ارقاسىندا جاعداي ودان ءارى ۋشىقپادى، - دەپ پىكىر ءبىلدىردى ەكس-پرەزيدەنت.
پىكىر قالدىرۋ