– ساياساتكەردىڭ وتستاۆكادان كەيىن نەمەن اينالىسىپ جۇرگەنى ماڭىزدى ەمەس دەگەن ويدامىن. سەبەبى، ساياساتكەرلەر كەلەدى، كەتەدى. ال ەل مەن جەر قالادى. ەلىمىزدىڭ دامۋى، الداعى ۋاقىتتا قانداي وزگەرىستەر كۇتىپ تۇرعانى بۇدان دا ماڭىزدى. ەل باسقارعان ۋاقىتىمدا بارلىق كورشى ەلدەرمەن، باتىس ەلدەرىمەن جاقسى قارىم-قاتىناس قۇرا بىلدىك. ءبىز حالىقارالىق ساياسي ارەنادا قۇرمەتكە يەمىز. قازاقستاندىقتار كەز كەلگەن ەلگە بارىپ دەمالىپ، ىسكەرلىك قارىم-قاتىناس ورناتا الادى، – دەدى ول ساياساتكەر دانيار اشىمبايەۆقا بەرگەن سۇحباتىندا. 

– مەنىڭ وتستاۆكامنان كەيىن كەزىندە بىرگە ىستەگەن كوپتەگەن مەملەكەتتىڭ ليدەرى حابارلاسىپ، ءوز ەلدەرىنە قوناققا شاقىردى. مەن ولاردىڭ بارىنە ريزامىن. كەيبىرىمەن ءالى كۇنگە دەيىن بايلانىسىمىز ۇزىلگەن جوق، –دەدى نازاربايەۆ. 

– بۇگىندە مەنىڭ ويىم دا، تىلەگىم دە – قازاقستاننىڭ تۇراقتىلىعى مەن گۇلدەنۋى جايلى. ءبىزدىڭ ۇرپاعىمىز بىزدەن دە كوپ ءىس تىندىرعانىن قالايمىن. ولارعا بۇل ىستە شىن جۇرەكتەن تابىس تىلەيمىن، -– دەپ سۇحباتتى قورىتىندىلادى نۇرسۇلتان نازاربايەۆ.